ສື່ມວນຊົນ ແມ່ນເຄື່ອງມືອັນແຫລມຄົມຂອງວຽກງານແນວຄິດ

ໂດຍ: ແດນຜາຕຸງ

(ໂອກາດວັນສື່ມວນຊົນ ແລະ ພິມຈຳໜ່າຍ ຄົບຮອບ 73 ປີ 13/8/1950 – 13/8/2023)

ວຽກງານຖະແຫຼງຂ່າວ-ສື່ມວນຊົນ ມີບົດບາດສຳຄັນຢ່າງຍິ່ງ ເປັນພາຫະນະທີ່ສຳຄັນໃນການເຂົ້າເຖິງ ແລະ ຫັນປ່ຽນສະພາບແນວຄິດດັ້ງເດີມຂອງປະຊາຊົນ ແລະ ຕ້ານກົນອຸບາຍອັນເລິກແລບຂອງອິດທິກຳລັງປໍລະປັກ; ພ້ອມນັ້ນ ຍັງມີບົດບາດໃນການສຶກສາ ອົບຮົມແນວຄິດ, ເຕົ້າໂຮມຄວາມສາມັກຄີປອງດອງ, ເສີມຂະຫຍາຍປະຊາທິປະໄຕ, ສ້າງທັດສະນະຫຼັກໝັ້ນ ແລະ ຄວາມເຊື່ອໝັ້ນຕໍ່ອຸດົມຄະຕິ ແລະ ການນຳພາຂອງພັກ, ໂຄສະນາປຸກລະດົມປະຊາຊົນ ບັນດຳເຜົ່າເຂົ້າຮ່ວມການປະຕິວັດຊາດປະຊາທິປະໄຕ ແລະ ພາລະກິດປົກປັກຮັກສາ ແລະສ້າງສາພັດທະນາປະເທດຊາດ ກໍຄືປຸກລະດົມຂົນຂວາຍປະຊາຊົນເຂົ້າຮ່ວມກນພັດທະນາເສດຖະກິດ-ສັງຄົມຂອງປະເທດເຮົາ, ຫັນປ່ຽນເສດຖະກິດທຳມະຊາດເປັນເສດຖະກິດສິນຄ້າ, ປຸກລະດົມທົ່ວປວງຊົນເຮັດໜ້າທີ່ປ້ອງກັນຊາດ-ປ້ອງກັນຄວາມສະຫງົບ, ດຶງດູດເອົາການຮ່ວມມື, ການຊ່ວຍເຫຼືອ ແລະ ລົງທຶນຈາກຕ່າງປະເທດ,

ປະທານໄກສອນພົມວິຫານໄດ້ຖືສຳຄັນ ແລະ ໃຫ້ທິດຊີ້ນຳວຽກງານ ໂຄສະນາຖະແຫຼງຂ່າວມາໂດຍຕະຫຼອດ ຈົນເຮັດໃຫ້ວຽກງານນີ້ກາຍເປັນວຽກທີ່ສຳຄັນແລະມີທີ່ຕັ້ງຢູ່ແຖວໜ້າຂອງເຄື່ອງມືວຽກງານແນວຄິດ ຊຶ່ງເນື້ອໃນແນວຄິດໄກສອນ ພົມວິຫານ ກ່ຽວກັບວຽກງານຖະແຫຼງຂ່າວ ສະແດງອອກ 6 ດ້ານ ແຕ່ລະດ້ານນັ້ນແມ່ນມີຄວາມແຕກຕ່າງກັນໄປຕາມແຕ່ລະໄລຍະຢ່າງຈະແຈ້ງເປັນຕົ້ນ:

–    ແນວຄິດໄກສອນ ພົມວິຫານ ກ່ຽວກັບວຽກງານໂຄສະນາ ໃນສະໄໝຕໍ່ສູ້ກູ້ຊາດຕ້ານ ຈັກກະພັດຜູ້ຮຸກຮານ

–    ແນວຄິດໄກສອນ ພົມວິຫານ ກ່ຽວກັບວຽກງານໂຄສະນາ, ຖະແຫຼງຂ່າວ ແລະ ສື່ມວນຊົນ ໃນໄລຍະປົກປັກສາ ແລະ ສ້າງສາປະເທດຊາດ.

–    ແນວຄິດໄກສອນ ພົມວິຫານ ກ່ຽວກັບການກໍ່ສ້າງຖັນແຖວພະນັກງານຖະແຫຼງຂ່າວ.

–    ແນວຄິດໄກສອນ ພົມວິຫານ ກ່ຽວກັບວິທີຜະລິດເນື້ອໃນໂຄສະນາ.

–    ແນວຄິດ ໄກສອນ ພົມວິຫານ ກ່ຽວກັບການນຳພຳ-ຊີ້ນຳ ຂອງພັກຕໍ່ວຽກງານສື່ມວນຊົນ.

–    ແນວຄິດໄກສອນ ພົມວິຫານ ກ່ຽວກັບການນຳໃຊ້ພາຫະນະທັນສະໄໝເຂົ້າໃນວຽກງານໂຄສະນາ

ໃນກອງປະຊຸມສຳມະນຳວິທະສາດ ພາຍໃຕ້ຫົວຂໍ້: “ແນວຄິດ ໄກສອນ ພົມວິຫານ ກ່ຽວກັບວຽກງານຖະແຫຼງຂ່າວ ທີ່ດຳເນີນໄປເມື່ອຄັ້ງວັນທີ 13 ມິຖຸນາ 2023,ຢູ່ນະຄອນຫຼວງວຽງຈັນ, ທ່ານ ໂພສີແກ້ວມະນີວົງ ຮອງລັດຖະມົນຕີ ກະຊວງ ຖະແຫຼງຂ່າວວັດທະນະທຳ ຍົກໃຫ້ຮູ້ເຖິງທິດຊີ້ນຳຂອງ ປະທານໄກສອນ ພົມວິຫານຕໍ່ວຽກງານໂຄສະນາຖະແຫຼງຂ່າວວ່າ:

ໃນສະໄໝຕໍ່ສູ້ກູ້ຊາດຕ້ານ ຈັກກະພັດຜູ້ຮຸກຮານ, ປະທານ ໄກສອນ ພົມວິຫານ ຍຶດໝັ້ນລັດທິມາກ-ເລນິນ ສົມທົບກັບທິດຊີ້ນຳ ຂອງປະທານ ໂຮ່ຈີ່ມິນ ທີ່ວ່າ ຢາກເຮັດການປະຕິວັດສຳເລັດຜົນ ຕ້ອງອີງໃສ່ປະຊາຊົນ, ປະຊາຊົນເປັນ ກຳລັງແຮງອັນຍິ່ງໃຫຍ່, ຕ້ອງອົດທົນຂົນຂວາຍປະຊາຊົນລຸກຂຶ້ນເຮັດກຳນປະຕິວັດ ປົດປ່ອຍຕົນເອງ ພາຍໃຕ້ກຳນນຳພາຂອງພັກ, ເພິ່ນຖືວ່າວຽກງານໂຄສະນາ, ປຸກລະດົມຂົນຂວາຍປະຊາຊົນ ເປັນບັນຫາ ສຳຄັນທີ່ຕັດສິນໄຊຊະນະຂອງການປະຕິວັດ. ການເຄື່ອນໄຫວວຽກງານໂຄສະນາປຸກລະດົມ ຂົນຂວາຍ ຕ້ານການຮຸກຮານຂອງຈັກກະພັດ ຂອງປະທານ ໄກສອນ ພົມວິຫານ ໄດ້ເລີ່ມຕົ້ນສະແດງອອກຢ່າງຈະ ແຈ້ງໃນເວລາທີ່ເພິ່ນໄດ້ຮັບທິດຊີ້ນຳຈາກພັກກອມມູນິດອິນດູຈີນ ມອບໝາຍໃຫ້ເຄື່ອນໄຫວສ້າງຕັ້ງ ກຳລັງປະຕິວັດຢູ່ເຂດລາວຮຸ່ງ-ພຽງສາ ຊຶ່ງການເຄື່ອນໄຫວຂອງເພິ່ນໃນເວລານັ້ນແມ່ນປິດລັບທີ່ສຸດ, ອາໄສແຕ່ການໂອ້ລົມສົນທະນາ, ຜ່ານການປະພຶດຕົວຈິງ ແລະ ເຮັດຫຼາຍຫຼົບຫຼາຍຕ່າວ ເພື່ອສ້າງຄວາມ ໄວ້ເນື້ອເຊື່ອໃຈໃຫ້ປະຊາຊົນ.

ຈາກພຶດຕິກຳຕົວຈິງໃນການເຄື່ອນໄຫວປະຕິວັດ ຂອງປະທານ ໄກສອນ  ພົມວິຫານ ໄດ້ຊີ້ໃຫ້ພວກເຮົາເຫັນແນວຄິດຊີ້ນຳ ຂອງປະທານ ໄກສອນ ພົມວິຫານ ຕໍ່ຂະບວນການ ໂຄສະນາ, ປຸກລະດົມ, ຂົນຂວາຍ ຊຶ່ງສ່ອງແສງອອກຄື:  ໂຄສະນາລັດທິຮັກຊາດ ແລະ ສ້າງຄວາມ ສຳມັກຄີປອງດອງພາຍໃນຊາດ, ໂຄສະນາປຸກລະດົມຂົນຂວາຍ ສ້າງກຳລັງແຮງໃຫ້ກຳລັງປະກອບ ອາວຸດ; ໂຄສະນາແນວທາງນະໂຍບາຍການຕໍ່ສູ້ອັນຖືກຕ້ອງຕໍ່ຕ່າງປະເທດ. ໂດຍມີເປົ້າໝາຍ, ຈຸດປະສົງ ແລະ ຮູບແບບວິທີການໂຄສະນາທີ່ແຕກຕ່າງກັນ ແຕ່ເປົ້າໝາຍລວມ ກໍເພື່ອນຳພາປະເທດຊາດກ້າວສູ່ໄຊຊະນະ, ສາມາດປົດປ່ອຍປະຊາຊົນອອກຈາກແອກປົກຄອງ ຂອງຈັກກະພັດຕ່າງດ້າວ ແລະ ສັກດີນາຂາຍຊາດ, ເອົາສິດເສລີພາບ ແລະ ຜືນແຜ່ນດິນອັນຄົບຖ້ວນມາໃຫ້ປະຊາຊົນຢ່າງສົມບູນ,

ສຳລັບ ໄລຍະປົກປັກຮັກສາ ແລະ ສ້າງສາພັດທະນຳປະເທດຊາດ ປະທານ ໄກສອນ ພົມວິຫານ ໄດ້ກ່າວວ່າ: “ວຽກງານຖະແຫຼງຂ່າວ, ໂຄສະນາ, ວັດທະ ນະທຳ ກໍມີບາດກ້າວຂະຫຍາຍຕົວໃໝ່. ພວກ ເຮົາໄດ້ເອົາໃຈໃສ່ການຂະຫຍາຍໜັງສືພິມປະຕິວັດ, ດັດແປງວຽກງານກະຈາຍສຽງ, ເຊີດຊູລັກສະນະ ສຶກສາອົບຮົມ, ຊີ້ນຳມະຫາຊົນ ຂອງໜັງສືພິມ ແລະ ວິທະຍຸ ກະຈາຍສຽງໃຫ້ສູງຂື້ນເທື່ອລະກ້າວ, ເຮັດ ໃຫ້ວຽກງານເຫຼົ່ານີ້ ເຂົ້າສູ່ເປົ້າໝາຍຕ່າງ ໆ ແລະໄດ້ເລິກເຊິ່ງກວ່າເກົ່າ, ປະທຳນໄກສອນ ພົມວິຫານ ໄດ້ເອົາໃຈໃສ່ຕໍ່ການປັບປຸງວຽກງານໂຄສະນາຂ່າວສານ ໃຫ້ ທະລຸໂລ່ງແຕ່ສູນກາງ ຮອດທ້ອງຖິ່ນ, ເພີ່ນກ່າວວ່າ: “ ຂະແໜງການຖະແຫຼງຂ່າວ, ວັດທະນະທຳ ແຕ່ ສູນກາງລົງເຖິງແຂວງ, ເມືອງ ຕ້ອງກຳແໜ້ນ ແລະນຳໃຊ້ບັນດາພາຫະນະທີ່ເຮັດວຽກງານຖະແຫຼງຂ່າວ, ວັດທະນະທຳໃຫ້ດີກວ່າເກົ່າ ເຊັ່ນ: ວິທະຍຸກະຈາຍສຽງ, ວິທະຍຸ-ໂທລະພາບ, ໜັງສືພິມ, ໃບຂ່າວ, ກຳນພິມຈຳໜ່າຍ, ກອງສິລະປະວັນນະຄະດີ, ຮູບເງົາ ແລະອື່ນໆ ເຮັດໃຫ້ພາຫະນະຕ່າງ ໆ ເຫຼົ່ານັ້ນ ສາມາດຮັບໃຊ້ປະຊາຊົນ ໄດ້ເປັນຢ່າງດີ ແລະທົ່ວເຖິງ ເປັນຕົ້ນແມ່ນຮັບໃຊ້ການອອກແຮງງານຜະລິດ, ການສູ້ຮົບ ແລະເຂດຊົນຊາດ.

ປະທານໄກສອນ ພົມວິຫານ ຖືວ່າ ສື່ມວນຊົນເປັນເຄື່ອງມືທີ່ສຳຄັນ ໃນວຽກງານແນວຄິດ, ເພິ່ນເນັ້ນວ່າ: “ວຽກງານແນວຄິດມີທີ່ຕັ້ງແຖວໜ້າ ແລະ ເປັນວຽກງານປະຕິວັດສຳຄັນອັນດັບໜຶ່ງ, ສື່ມວນຊົນແມ່ນເຄື່ອງມືຂອງວຽກງານແນວຄິດ, ເມື່ອວຽກງານແນວຄິດຮັບການຈັດວາງໃຫ້ຢູ່ໃນແຖວໜ້າ ແລະ ເປັນວຽກງານສຳຄັນອັນດັບໜຶ່ງຂອງການປະຕິວັດແລ້ວ, ສື່ມວນຊົນກໍຍ່ອມມີທີ່ຕັ້ງຢູ່ແຖວໜ້າ ແລະ ສຳຄັນຢ່າງແນ່ນອນ.