ຕີໂບຣ ຄຣູຕົວ ໂຊກຮ້າຍກ່ອນເປີດລະດູການ ເມື່ອຕ້ອງຜ່າຕັດເອັນໄຂ່ວໜ້າເຂົ່າຊີກຂາດ ຕ້ອງພັກຍາວຈົນຈົບລະດູການ
ຕີໂບຣ ຄຣູຕົວ ໂຊກຮ້າຍກ່ອນການເລີ່ມຕົ້ນຂອງລະດູການໃຫມ່. ເມື່ອຕ້ອງຮັບການຜ່າຕັດອາການບາດເຈັບເອັນໄຂ່ວດ້ານຫນ້າຊີກ ແລະ ອາດຈະຕ້ອງພັກຍາວໄປຕະຫລອດລະດູການ ສົ່ງຜົນໃຫ້ ເຣອັລ ມາດຣິດ ຕ້ອງຮີບຕິດຕໍ່ຫາ ດາບິດ ເດ ເກອາ ມາເຝົ້າເສົາແທນ.
ເຣອັລ ມາດຣິດ ທີມດັງຈາກ ລາລີກາ ສະເປນ ຢືນຢັນວ່າ ຕີໂບຣ ຄຣູຕົວ ຜູ້ຮັກສາປະຕູຊາວເບລຢ້ຽມ ໄດ້ຮັບບາດເຈັບທີ່ຫົວເຂົ່າດ້ານໜ້າຊີກຂາດໃນການຝຶກຊ້ອມໃນວັນພະຫັດທີ 10 ສິງຫາຜ່ານມາ. ເຮັດໃຫ້ລາວຕ້ອງຮັບການຜ່າຕັດໃນໄວໆນີ້ ແລະ ຄາດວ່າຈະຕ້ອງໃຊ້ເວລາພັກຟື້ນຫລາຍເດືອນກວ່າຈະກັບຄືນມາເພື່ອເຟົ້າເສົ້າໄດ້.
ຄາໂລ ອັນເຊລັອດຕິ ຄູຝຶກຊາວອີຕາລີ ເຫລືອພຽງ ອັນເດຣ ລູນິນ ນັກຮັບຕົວສຳຮອງທີ່ລົງສະໜາມພຽງ 12 ນັດໃນລະດູການທີ່ຜ່ານມາ. ດັ່ງນັ້ນ, ຈຶ່ງຫລີກລ່ຽງບໍ່ໄດ້ທີ່ຈະເຊັນສັນຍານັກຮັບຄົນໃຫມ່ເຂົ້າມາ. ອີງຕາມການ talksport, ລະບຸວ່າອະດີດຜູ້ຮັກສາປະຕູ ແມນເຊັສເຕີ ຢູໄນເຕັດ ແລະ ແອດຕີໂກ ມາດຣິດ, ແມ່ນເປົ້າຫມາຍສູງສຸດຂອງພວກເຂົາ ແລະ ການເຈລະຈາພວມດຳເນີນໄປເພື່ອບັນລຸຂໍ້ຕົກລົງລະຫວ່າງສອງຝ່າຍ.
