ຈັບດອງຍາວ! ເປແອສເຊ ຫ້າມ ເອັມປັບເປ້ ລົງຊ້ອມກັບທີມຊຸດໃຫຍ່

ປາຣີ ແຊງ-ແຊກແມັງ ໃຊ້ມາດຕະການເດັດຂາດຕໍ່ ຄີລຽນ ເອັມປັບເປ້ ໂດຍການຫ້າມຝຶກຊ້ອມກັບທີມຊຸດໃຫຍ່. ຫາກຍັງບໍ່ຕໍ່ສັນຍາ ຫລື ຍ້າຍໄປຢູ່ໃນທີມທີ່ຍື່ນຊື້ເຂົ້າມາ. ເຖິງແມ່ນວ່າການແຂ່ງຂັນບານເຕະແດນນ້ຳຫອມກໍາລັງຈະເລີ່ມຕົ້ນຂຶ້ນກໍ່ຕາມ.

ຈົນເຖິງເວລານີ້, ດາວ​ເຕະໄວ 24 ປີ​ ຍັງ​ຄົງ​ນິ້ງເສີຍ​ກັບ​ສະ​ຖານະ​ການທີ່ເກີດຂຶ້ນ. ໂດຍແຫລ່ງຂ່າວຂອງ ເປແອສເຊ ເຊື່ອວ່ານັກເຕະທີ່ສັນຍາຈະສັນຍາໃນລະດູການໜ້າ ໄດ້ເຮັດຂໍ້ຕົກລົງຍ້າຍຟຣີກັບ ເຣອັລ ມາດຣິດ ທີມດັງຈາກແດນກະທິງດຸແລ້ວ. ເຮັດໃຫ້ເຂົາບໍ່ຍອມຍ້າຍອອກຈາກ Parc des Princes ໃນຊຳເມີ້ນີ້. ໂດຍຍອມທີ່ຈະຖືກລົງໂທດໂດຍການນັ່ງເປັນຕົວສຳຮອງຍາວໄປ 1 ລະດູການ ແລະ ຈາກນັ້ນລໍຖ້າໃຫ້ສັນຍາຈະຫມົດອາຍຸ.