ທົ່ວໂລກຈັບຕາໂຄວິດສາຍພັນໃໝ່ EG.5.1 ກຳລັງລະບາດໃນປະເທດອັງກິດ ແລະ ຫລາຍປະເທດທົ່ວໂລກ ເຮັດໃຫ້ມີຜູ້ຕິດເຊື້ອເພີ່ມຂຶ້ນສູງຕໍ່ເນື່ອງ
ສາທາລະນະສຸກອັງກິດ ລາຍງານວ່າ: ໂຄວິດສາຍພັນໃໝ່ EG.5.1 ຈາກການກາຍພັນຂອງເຊື້ອໂອມິຄອນ ເລີ່ມລະບາດເປັນວົງກວ້າງໃນອັງກິດ ເຮັດໃຫ້ມີຈຳນວນຜູ້ຕິດເຊື້ອເລີ່ມກັບມາເພີ່ມຂຶ້ນສູງອີກຮອບ, ເຊິ່ງຜູ້ຕິດເຊື້ອໂຄວິດ 7 ຄົນຈະພົບ 1 ຄົນ ທີ່ຕິດເຊື້ອສາຍພັນນີ້.
ການລະມັດລະວັງມີຂຶ້ນໃນຂະນະທີ່ຈຳນວນກໍລະນີໂຄວິດຢູ່ໃນທົ່ວໂລກເພີ່ມຂຶ້ນ, ໂດຍສະເພາະແມ່ນຢູ່ໃນເຂດອາຊີ, ແຕ່ໄດ້ຖືກລະບຸສາຍພັນທີ່ແນ່ນອນ ໃນວັນທີ 31 ກໍລະກົດ 2023 ຜ່ານມາ. ໂດຍໃນໄລຍະເລີ່ມຕົ້ນ ວັນທີ 10 ກໍລະກົດ, ພົບຜູ້ຕິດເຊື້ອ 1 ໃນ 9 ຄົນໄດ້ຕິດເຊື້ອສາຍພັນດັ່ງກ່າວ. ຂໍ້ມູນຫລ້າສຸດລະບຸວ່າ 14.6% ຂອງຜູ້ຕິດເຊື້ອໂຄວິດ ແມ່ນສາຍພັນໃໝ່ນີ້, ເຊິ່ງເປັນອັນດັບສອງຮອງຈາກສາຍພັນ XBB.1.16 ທີ່ຍັງເປັນອັນດັບໜຶ່ງ, ກວມເອົາ 39.4% ຂອງຜູ້ຕິດເຊື້ອໂຄວິດທັງໝົດ.
ບັນດາຜູ້ຊ່ຽວຊານກ່າວວ່າ: ເຊື້ອໂຄວິດສາຍພັນໃໝ່ນີ້ມີການແຜ່ລາມອອກໄປຢ່າງວ່ອງໄວ ເຮັດໃຫ້ຈໍານວນຜູ້ຕິດເຊື້ອເພີ່ມຂຶ້ນ ແລະ ເລີ່ມລົ້ນໂຮງໝໍອີກເທື່ອໜຶ່ງ ໂດຍເພີ່ມຂຶ້ນຈາກ 3.7% ຂອງກໍລະນີທາງເດີນຫາຍໃຈ 4.403 ກໍລະນີ ທີ່ເຫັນໃນອາທິດທີ່ຜ່ານມາເປັນ 5.4% ຂອງກໍລະນີຫາຍໃຈ 4.396 ໃນອາທິດນີ້.
ພ້ອມກັນນັ້ນ, ອັດຕາຜູ້ຕິດເຊື້ອໃນໂຮງໝໍແມ່ນ 1,97 ຄົນຕໍ່ 100.000 ຄົນ, ເພີ່ມຂຶ້ນຈາກບົດລາຍງານກ່ອນນີ້ 1,17 ຄົນຕໍ່ 100.000 ຄົນ, ທ່າອ່ຽງຈະເພີ່ມຂຶ້ນເລື້ອຍໆ.
