ໂຣມາໂນ ເຜີຍ ອັລ ນາສເຊີ ໃກ້ຄວ້າ ມາເນ່ ຫລັງເຈລະຈາກັບ ບາເຢີນ ລົງໂຕ ສ່ວນຕົວແທນກຳລັງລົມເງື່ອນໄຂສ່ວນໂຕ

ຟາບິສຊິໂອ ໂຣມາໂນ ນັກຂ່າວຊາວອີຕາລີໄດ້ອ້າງວ່າ ອັລ ນາສເຊີ ກຽມສະເຫນີເງິນປະມານ 37 ລ້ານເອີໂຣ ສໍາລັບການຍື່ນສະເຫນີຂໍຊື້ ມາເນ ຢ່າງເປັນທາງການ ຫລັງຈາກທັງສອງສະໂມສອນໄດ້ເຈລະຈາຂັ້ນສຸດທ້າຍແລ້ວ.

ອັລ ນາສເຊີ ສະໂມສອນໃນ ຊາອຸດີອາຣາເບຍ ກຽມຈະຍື່ນຂໍ້ສະເໜີປະມານ 37 ລ້ານເອີໂຣ ເພື່ອຂໍຊື້ ຊາດີໂອ ມາເນ ປີກຂອງ ບາເຢີນ ມິວນິກ, ອີງຕາມການລາຍງານຂອງ ຟາບິສຊິໂອ ໂຣມາໂນ ນັກຂ່າວທີ່ມີຊື່ສຽງ.

ມາເນ່ ມີລະດູການທໍາອິດທີ່ບໍ່ດີກັບ ບາເຢີນ ຫລັງເຮັດຜົນງານໄດ້ບໍ່ດີ. ຍິ່ງໄປກວ່ານັ້ນ, ລາວຍັງໄດ້ເຮັດໃຫ້ເກີດການຂັດແຍ້ງກັບ ລີຣອຍ ຊາເນ້ ເພື່ອນຮ່ວມທີມອີກຄົນຫນຶ່ງ. ເຊິ່ງຕະຫລອດເວລາທີ່ຜ່ານມາ, ມີຂ່າວລືວ່າ ອັລ ນາສເຊີ ກໍາລັງລ່າຕົວເຂົາຢ່າງຫນັກ.