ເຊວຊີ ແລະ ນິວຄາສເຊິນ ອຸ່ນເຄື່ອງຍັງບໍ່ເສຍ ຫລ້າສຸດສະເໝີກັນ 1-1 ທີ່ສະຫະລັດອາເມຣິກາ
July 28, 2023 - 2:27 PM
ເຊວຊີ ແລະ ນິວຄາສເຊິນ ສອງທີມດັງໃນ ພຣີເມ່ຍລີກ ອັງກິດ ທຳການອຸ່ນເຄື່ອງກຽມທີມກ່ອນເລີ່ມລະດູການໃໝ່ ລາຍການ ພຣີເມ່ຍລີກ ຊຳເມີ ຊີຣີ ຍັງບໍ່ເສຍ ຫລ້າສຸດພົບກັນທີ່ແອັດແລນຕ້າ, ສະຫະລັດ ອາເມຣິກາ ສະເໝີກັນ 1-1 ເຊວຊີ ນຳກ່ອນຈາກກອງໜ້າໃໝ່ ນິໂຄລາສ ແຈັກສັນ ນາທີ 12′ ຍິງສອງນັດຕິດຕໍ່ກັນ, ນິວຄາສເຊິນ ຕີສະເໝີຈາກ ມິເກວ ອາວເມຣ້ອນ ໄລຍະຕໍ່ເວລາບາດເຈັບຕັ້ງທີໜຶ່ງ ນາທີ 45+4′.
ເຊວຊີ ອຸ່ນເຄື່ອງມາແລ້ວ 3 ນັດ ຊະນະ 2 ສະເໝີ 1 ຊະນະ ເວັກແຮ້ມ ທີມຈາກລີກທູ ອັງກິດ 5-0, ຊະນະ ໄບຣຕັ້ນ 4-3 ແລະ ສະເໝີ ນິວຄາສເຊິນ 1-1, ນັດຕໍ່ໄປ ຈະພົບກັບ ຟູແລ່ມ ວັນທີ 30 ກໍລະກົດນີ້ ທີ່ແລນໂດເວີ ສະຫະລັດ ອາເມຣິກາ, ຂະນະທີ່ ນິວຄາສເຊິນ ອຸ່ນເຄື່ອງມາແລ້ວ 4 ນັດ ຊະນະ 2 ສະເໝີ 2 ຊະນະ ເກດຊີດ ທີມຈາກລີກອັນດັບ 5 ຂອງອັງກິດ 3-2, ຊະນະ ແຣນເຈີ ຈາກສະກັອດແລນ 2-1ດ ສະເໝີກັບ ແອັສຕັນ ວິນລ້າ 3-3 ແລະ ສະເໝີກັບ ເຊວຊີ 1-1 ນັດຕໍ່ໄປ ຈະພົບກັບ ໄບຣຕັ້ນ ວັນທີ 28 ກໍລະກົດນີ້ ທີ່ຮາຣິສສັນ, ສະຫະລັດ ອາເມຣິກາ.
