ເດວິດ ຊິລວາ ປະກາດອຳລາບານເຕະ ໃນໄວ 37 ປີ ເນື່ອງຈາກບາດເຈັບຫົວເຂົ່າ ຢ່າງໜັກໜ່ວງໃນລະຫວ່າງການຝຶກຊ້ອມ
July 28, 2023 - 10:04 AM


ເດວິດ ຊິລວາ ໄດ້ຮັບບາດເຈັບໜັກເອັນໄຂ່ວໜ້າເຂົ່າຊີກຂາດ ໃນລະຫວ່າງການກຽມທີມຝຶກຊ້ອມກັບ ເຣອັລ ໂຊເຊຍດາດ, ພ້ອມກັບການບາດເຈັບຊໍາເຮື້ອທີ່ຫົວເຂົ່າທີ່ເກີດຂຶ້ນກ່ອນຫນ້ານີ້. ເຮັດໃຫ້ລາວຕ້ອງຕັດສິນໃຈຢຸດເຊົາເຕະບານໃນທີ່ສຸດ.
ສໍາລັບ ຊິລວາ ຕະຫລອດການເຕະບານອາຊີບຂອງລາວກັບສະໂມສອນບານເຕະ ປະສົບຄວາມສໍາເລັດຢ່າງຫລວງຫລາຍກັບ ແມນເຊັສເຕີ ຊິຕີ້, ຄວ້າແຊ້ມພຣີເມຍລີກ 4 ສະໄໝ, FA Cup 2 ສະໄໝ, Community Shields 2 ສະໄໝ ແລະ League Cups 5 ສະໄໝ. ສ່ວນໃນນາມທີມຊາດສະເປນ ຄວ້າແຊ້ມໂລກໃນປີ 2010 ແລະ ແຊ້ມເອີໂຣສອງສະໄໝໃນປີ 2008 ແລະ 2012.