ນູເນຊ ຍິງ 2 ປະຕູ! ຊາລ້າ 2 ແອສຊິດ ຊ່ວຍລີເວີພູລ ບຸກສະເໝີກັບ ທີມຈາກ ເຢຍລະມັນ 4-4 ອຸ່ນເຄື່ອງນັດທີ 2

ການເຕະບານອຸ່ນເຄື່ອງ ນັດທີ 2 ກ່ອນເລີ່ມລະດູການໃໝ່ຂອງ ຫົງແດງ ລີເວີພູລ ວັນທີ 24 ກໍລະກົດຜ່ານມາ, ລີເວີພູລ ບຸກສະເໝີ ເກເທີ ເຟີດ ທີມຈາກລີກລະດັບສອງຂອງເຢຍລະມັນ 4-4 ລີເວີພູລ ນຳກ່ອນຈາກ ລຸຍ ດີອັຊ ນາທີ 22′, ເຈົ້າບ້ານຕີສະເໝີຈາກ ຢູລຽນ ກຣີນ ນາທີ 47′ ຈາກນັ້ນ ຫົງແດງ ຍິງເພີ່ມອີກສອງປະຕູຈາກ ດາວິນ ນູເນຊ ນາທີ 50′, 59′ ເຊິ່ງເປັນ ຊາລ້າ ແອັສຊິດໃຫ້ທັງສອງປະຕູ.

ຢ່າງໃດກໍຕາມ ເຈົ້າບ້ານສາມາດມ້າງເກມຮັບຂອງ ລີເວີພູລ ຍິງແຊງສາມປະຕູຈາກ ລູຄັສ ເປຄັອຟ ນາທີ 67′ ແລະ ອາມິນໂດ້ ຊິບ ສອງປະຕູນາທີ 74′, 77′ ທ້າຍເກມ ລີເວີພູລ ໄດ້ປະຕູຕີສະເໝີຈາກ ໂມຮາເໝັດ ຊາລ້າ ນາທີ 89′ ຈົບເກມ ສະເໝີກັບ 4-4.