ດັອດມຸນ ປະກາດຄວ້າໂຕ ມາເຊວ ຊາບິດເຊີ ຈາກ ບາເຢີນ ມິວນິກ ຮ່ວມທີມເຊັນສັນຍາ ເຖິງປີ 2027

ກອງກາງທີມຊາດອອສເຕຣຍ ບໍ່ສາມາດຍາດຕຳແໜ່ງຕົວຈິງໃນທັບເສືອໃຕ້ຢ່າງຖາວອນໄດ້ ນັບຕັ້ງແຕ່ຍ້າຍຈາກ ອາບີ ໄລບຊິກ, ເຊິ່ງໃນເດືອນທີ່ຜ່ານມາລາວໄດ້ຍ້າຍໄປຫລິ້ນໃຫ້ກັບ ແມນເຊັສເຕີ ຢູໄນເຕັດ ດ້ວຍສັນຍາຢືມໂຕ.

ຢ່າງໃດກໍ່ຕາມ, ລາວມີບັນຫາການບາດເຈັບ ເຮັດໃຫ້ພາດການຊ່ວຍທີມຜີສາດແດງໃນຊ່ວງສຸດທ້າຍຂອງລະດູການທີ່ຜ່ານມາ. ແລະ ຕ້ອງກັບ ບາເຢີນ ມິວນິກ ຫລັງໝົດສັນຍາຢືມໂຕ ຫລັງຈາກ ແມນເຊັສເຕີ ຢູໄນເຕັດ ຕັດສິນໃຈບໍ່ເຊັນສັນຍາຖາວອນ.

ທັ້ງນີ້ ດັອດມຸນ ຕ້ອງຈ່າຍເງິນ 19 ລ້ານເອີໂຣ ເພື່ອຊື້ ຊາບິດເຊີ ຈາກຄູ່ແຂ່ງຮ່ວມສຶກບຸນເດສລິກາ ໂດຍຖືວ່າເປັນການເສີມທັບນັກເຕະໃໝ່ຄົນທີ 3 ໃນຕະຫລາດລະດູຮ້ອນ ຫລັງຈາກ ຣາມິ ເບນເຊບີນີ ກອງຫລັງຈາກ ໂບຣຸສເຊຍ ມຸນເຊນກັດບັດ ລວມທັງ ເຟລິກ ເອນເມຊາ ຈາກ ໂວຟບວກ.