ເກຣັກ ເລັ່ງຍົກຍ້າຍ ປະຊາຊົນ 30.000 ກວ່າຄົນ ອອກຈາກເຂດໄຟໄໝ້ປ່າ
July 25, 2023 - 9:26 AM
ສຳນັກຂ່າວຕ່າງປະເທດລາຍງາຍ, ວັນທີ 23 ກໍລະກົດ 2023 ຜ່ານມາ, ເກຣັກ ເລັ່ງຍົກຍ້າຍປະຊາຊົນ ແລະ ນັກທ່ອງທ່ຽວຫລາຍກວ່າ 30.000 ຄົນ ອອກຈາກ ເຂດພື້ນທີ່ໄຟໄໝ້ປ່າ ເທິງເກາະທາງພາກໃຕ້ ຂອງປະເທດ ຍ້ອນໄດ້ຮັບຜົນກະທົບ ຈາກຄື້ນຄວາມຮ້ອນຮຸນແຮງ ປົກຄຸມທົ່ວປະເທດ. ຈາກຈຳນວນຜູ້ຍົກຍ້າຍດັ່ງກ່າວໃນນັ້ນເປັນການຍົກຍ້າຍທາງເຮືອ ປະມານ 3.500 ຄົນ ອອກຈາກເກາະໂຣສ ເນື່ອງຈາກ ເກີດໄຟໄໝ້ປ່າ ຮຸນແຮງ ແລະ ຂະຫຍາຍ ເປັນວົງກວ້າງ ຢ່າງວ່ອງໄວ ປົກຄຸມພື້ນທີ່ ສ່ວນໃຫຍ່ ຂອງເກາະ. ປັດຈຸບັນ ເຈົ້າໜ້າທີ່ ກ່ຽວຂ້ອງ ຂອງເກຣັກ ພວມລະດົມກຳລັງ ເພື່ອຄວບຄຸມໄຟປ່າ ໃນຄັ້ງນີ້ ຢ່າງຮີບດ່ວນອາດສ້າງ ຄວາມເສຍຫາຍ ເປັນບໍລິເວນກວ້າງ
