ປາຣີ ແຊັງແຊກແມ໊ງ ຖືກປະນາມຫລັງຕັດຊື່ ຄີລຽນ ເອັມປັບເປ້ ອອກຈາກທົວເອເຊຍ ເຫດທີ່ເຂົາປະຕິເສດທີ່ຈະຕໍ່ສັນຍາໃໝ່

ສະຫະພັນບານເຕະຝຣັ່ງ ອອກຖະແຫລງການໂຈມຕີ ປາຣີ ແຊັງ-ແຊັກແມັງ ທັນທີຫລັງຈາກແຊ້ມ ລີກ 1  ໃຊ້ວິທີຕັດ ຄີລຽນ ເອັມປັບເປ້ ອອກຈາກການໄປທົວເອເຊຍ ເນື່ອງຈາກທີ່ກອງໜ້າຕົວເກັ່ງບໍ່ຍອມຕໍ່ສັນຍາສະບັບໃໝ່.

ຄີລຽນ ເອັມປັບເປ້ ເຫລືອສັນຍາກັບ ເປແອສເຊ ຈົນຮອດທ້າຍລະດູການໜ້າ, ໂດຍລາວຢືນຢັນວ່າລາວຈະບໍ່ຂະຫຍາຍສັນຍາຕື່ມອີກ. ແຕ່ຈະບໍ່ຍ້າຍທີມໃນຊ່ວງລະດູຮ້ອນນີ້ຍ້ອນວ່າພວກເຂົາຕ້ອງການລົງຫລິ້ນໃຫ້ກັບຕົ້ນສັງກັດຕໍ່ໄປ.

ດ້ວຍເຫດນີ້, ກອງໜ້າທີມຊາດຝຣັ່ງຖືກເບິ່ງວ່າມີແຜນຍ້າຍໄປຫລິ້ນໃຫ້ກັບ ເຣອັລ ມາດຣິດ ໃນລະດູການໜ້າໂດຍບໍ່ມີຄ່າໂຕ ແລະ ສົ່ງຜົນໃຫ້ PSG ຄຽດແຄ້ນຈົນພວກເຂົາໄດ້ປະກາດຂາຍເຂົາທັນທີ ເພາະບໍ່ຢາກເສຍດາວເຕະໄປແບບຟຣີໆ.

ຂະນະດຽວກັນ, ມີຂ່າວລືວ່າ ເອັມປັບເປ້ ຈະຖືກຈັບດອງໄວ້ຈາກເກມໃນສ່ວນທີ່ເຫລືອຂອງລະດູການຕໍ່ໄປຖ້າລາວບໍ່ອອກຍ້າຍອອກໃນລະດູຮ້ອນນີ້, ເພື່ອເປັນການຕອບໂຕ້ນັກເຕະແຫ່ງເມືອງນ້ຳຫອມ ເນື່ອງຈາກພວກເຂົາລວຍພໍທີ່ຈະຈ່າຍຄ່າແຮງໃຫ້ດາວດັງໂດຍບໍ່ສົ່ງເຂົາລົງສະໜາມ.