ຜູ້ອຳນວຍການໂຮງໝໍມິດຕະພາບ ເນັ້ນໜັກໃຫ້ພະນັກງານແພດໝໍຕ້ອງເອົາໃຈໃສ່ໃນໜ້າທີ່ວຽກງານ ໂດຍສະເພາະແມ່ນພັດທະນາການບໍລິການໃຫ້ດີຂຶ້ນ

ໃນໂອກາດທີ່ ໂຮງໝໍມິດຕະພາບ ຈັດພິທີສະຫຼຸບຕີລາຄາປະເມີນຜົນການຈັດຕັ້ງປະຕິບັດແຜນພັດທະນາ 6 ເດືອນຕົ້ນປີ ແລະ ຜ່ານແຜນການ 6 ເດືອນທ້າຍປີ2023, ວັນທີ 19 ກໍລະກົດ 2023, ທ່ານ ສອນໄຊ ລາດຊະວົງ ຜູ້ອຳນວຍການໂຮງໝໍມິດຕະພາບ ລາຍງານວ່າ: 6 ເດືອນຜ່ານມາ ແພດໝໍແຕ່ລະຂະແໜງການໄດ້ສະແດງອອກໃຫ້ເຫັນ ວິໄສທັດຂອງໂຮງໝໍທີ່ສອດຄ່ອງກັບແນວທາງປະຕິບັດນະໂຍບາຍ 5 ດີ 1 ພໍໃຈ ແລະ ໄດ້ເຮັດ ໜ້າທີ່ການເມືອງ ແລະ ໜ້າທີ່ວິຊາສະເພາະຂອງຕົນຕາມການມອບໝາຍຂອງການຈັດຕັ້ງ. ດ້ານວິຊາການໄດ້ກວດ ແລະ ປິ່ນປົວຄົນເຈັບຢູ່ຫ້ອງກວດເຂດນອກໄດ້ 67.800 ກ່ວາເທື່ອຄົນ, ຮັບຄົນເຈັບສຸກເສີນ 19.600 ກ່ວາຄົນ, ຮັບຄົນເຈັບເຂົ້ານອນປິ່ນປົວ 8.800 ກ່ວາ ຄົນ, ຜ່າຕັດທັງໝົດ 3.500 ກ່ວາກໍລະນີ, ປະຕິບັດນະໂຍບາຍວຽກງານປະກັນສຸຂະພາບ ມີຜູ້ປະກັນຕົນມາຮັບບໍລິການທັງໝົດ 36.845 ເທື່ອຄົນ ແລະ ໄດ້ນະໂຍບາຍການປິ່ນປົວໂດຍບໍ່ເສຍຄ່າແກ່ຜູ້ທຸກຍາກອານະຖາ, ນັກບວດ, ນັກຮຽນ- ນັກສຶກສາ ແລະ ນະໂຍບາຍຫຼຸດຄ່າຟອກເລືອດໃຫ້ຄົນເຈັບຜູ້ທຸກຍາກ ຊຶ່ງລວມນະໂຍບາຍເປັນເງິນທັງໝົດ 53.536.130 ກີບ;ແລະ ອື່ນໆ ອີກຫຼາຍດ້ານກໍ່ໄດ້ຮັບຜົນສຳເລັດເຊັ່ນດຽວກັນ,

ພ້ອມນັ້ນ, ທ່ານຜູ້ອໍານວຍການໄດ້ຜ່ານແຜນການ 6 ເດືອນທ້າຍປີ 2023 ຊຶ່ງໄດ້ກວມເອົາການເມືອງແນວຄິດ, ວຽກງານວິຊາສະເພາະ, ການພົວພັນຕ່າງປະເທດ ແລະ ອື່ນໆ ເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດໃນປີ 2024. ແລະ ທ່ານກໍໄດ້ເນັ້ນໜັກໃຫ້ພະນັກງານແພດໝໍ ໃຫ້ມີຄວາມເອົາໃຈໃສ່ໃນໜ້າທີ່ວຽກງານໃນການຈັດຕັ້ງປະຕິບັດແຜນງານສາທາລະນະສຸກການຫັນໂຮງໝໍກຸ້ມຕົນເອງ, ໂດຍສະເພາະແມ່ນວຽກພັດທະນາບໍລິການໂຮງໝໍໃຫ້ດີ