ສະຕີເວັນ ເຈີຣາດ ຮັບຄ່າຈ້າງທີມຊາອຸ ສູງເປັນອັນດັບ 4 ຂອງໂລກ
ເຜີຍສາເຫດຫລັກທີ່ເຮັດໃຫ້ ສະຕີເວັນ ເຈີຣາດ ຕົກລົງຮັບງານຄຸມທີມ ອັລ-ເອຕິຟັດ ເພາະທີມຊື່ດັງຂອງ ຊາອຸດິອາຣາເບຍ ມີການຈ່າຍເງິນໃຫ້ຢ່າງສະນັ່ນຫວັນໄຫວຫລາຍເຖິງ 300,000 ປອນຕໍ່ອາທິດ.
ເຖິງແມ່ນວ່າໄດ້ວາງເກີບເຕະບານມາເປັນເວລາດົນ ແລະ ພາຕົນເອງສູ່ເສັ້ນທາງຄຸຝຶກ, ອະດີດກອງຫລັງຂອງ ລິເວີພູລ ຍັງຫາເງິນໄດ້ຢ່າງຫລວງຫລາຍ. ເມື່ອມີການເປີດເຜີຍວ່າ ສັນຍາທີ່ລາວໄດ້ເຊັນສໍາລັບ ອັລ-ເອຕິຟັດ ໃນ ຊາອຸດິອາຣາເບຍ ມີມູນຄ່າສູງຈົນເປັນອັນດັບ 4 ຂອງໂລກ.
The Sun ກ່າວວ່າຄ່າຈ້າງຂອງ ເຈີຣາດ ກັບ ອັລ-ເອຕິຟັດ ແມ່ນປະມານ 15.5 ລ້ານປອນຕໍ່ປີ, ຫລື ໂດຍສະເລ່ຍ 300,000 ປອນຕໍ່ອາທິດ. ເຊິ່ງຫລາຍກວ່າຕອນທີ່ລາວຍັງເຕະບານອີກດ້ວຍ.
ຕົວເລກດັ່ງກ່າວເຮັດໃຫ້ ເຈີຣາດ ເປັນຜູ້ຈັດການທີ່ມີຄ່າຈ້າງສູງສຸດອັນດັບທີ 4 ຂອງໂລກ, ຕາມຫລັງ ເດໂກ້ ຊິມມິໂອເນ້ ທີ່ຮັບ 320 ລ້ານປອນ ກັບ ແອດຕິໂກ ມາດຣິດ, ແລະ ເປບ ກົວດີໂອລາ 20 ລ້ານປອນກັບ ແມນຊິຕີ້ ແລະ ເຈເກັນ ຄຣັອບ 16 ລ້ານປອນກັບ ລິເວີພູລ.
