ອີຣານເດີນໜ້າປະທ້ວງໃຫຍ່ ຕໍ່ຕ້ານແຜນປະຕິຮູບຕຸລາການຂອງລັດຖະບານ ຢ້ານທຳລາຍປະຊາທິປະໄຕ

ຊາວອິດສະລາແອນນັບແສນຄົນອອກມາຊຸມນຸມປະທ້ວງໃຫຍ່ຕໍ່ເນື່ອງໃນເມືອງເທລອາວີບ ແລະ ອີກຫລາຍເມືອງສຳຄັນທົ່ວປະເທດ ເພື່ອສະແດງຈຸດຢືນຕໍ່ຕ້ານແຜນປະຕິຮູບລະບົບຕຸລາການຂອງລັດຖະບານນາຍົກລັດຖະມົນຕີ ເບນຈາມິນ ເນທັນຢາຮູ ທີ່ຕ້ອງການຈຳກັດອຳນາດຂອງສານສູງສຸດ ໂດຍຫລາຍຝ່າຍຢ້ານວ່າແຜນປະຕິຮູບນີ້ຈະທຳລາຍລະບອບປະຊາທິປະໄຕຂອງອິດສະລາແອນ.

ຖືເປັນການຊຸມນຸມປະທ້ວງທີ່ຈັດຂຶ້ນຢ່າງຕໍ່ເນື່ອງເປັນອາທິດທີ 28 ແລ້ວ ນັບແຕ່ລັດຖະບານອິດສະລາແອນເປີດເຜີຍວ່າ: ຈະຊຸກດັນຮ່າງກົດໝາຍສະບັບນີ້ ເພື່ອຍົກອຳນາດສານພາຍໃນປະເທດນີ້ໃໝ່ ໂດຍຈະໃຫ້ສິດລັດຖະສະພາເປັນຜູ້ແຕ່ງຕັ້ງຜູ້ພິພາກສາສານສູງສຸດ ລວມທັງສາມາດລົງມະຕິຄັດຄ້ານຄຳຕັດສິນຂອງສານສູງສຸດໄດ້ ຖ້າມີຄະແນນສຽງເຖິງເກນຕາມຮ່າງກົດໝາຍສະບັບໃໝ່ກຳນົດໄວ້.

ໂດຍຮ່າງແຜນປະຕິຮູບລະບົບຕຸລາການອິດສະລາແອນສະບັບນີ້ຍັງຈຳເປັນຕ້ອງໄດ້ຮັບມະຕິເຫັນພ້ອມຈາກລັດຖະສະພາ 2 ຄັ້ງ ເຊິ່ງຄາດວ່າຈະເກີດຂຶ້ນພາຍໃນເດືອນກໍລະກົດນີ້ ກ່ອນຈະປະກາດບັງຄັບໃຊ້ເປັນກົດໝາຍຖ້າໄດ້ຮັບມະຕິເຫັນພ້ອມ.

ກຸ່ມຜູ້ຊຸມນຸມນັບແສນພ້ອມໃຈກັນສົ່ງສັນຍານຂໍການຊ່ວຍເຫລືອ ຫລື SOS ເຖິງບັນດາປະເທດຕ່າງໆໃນປະຊາຄົມໂລກ ໂດຍສະເພາະໜຶ່ງໃນພັນທະມິດທີ່ໃກ້ຊິດທີ່ສຸດ ຄືອາເມລິກາ ໃຫ້ຊ່ວຍຢັບຢັ້ງການຊຸກດັນຮ່າງກົດໝາຍສະບັບນີ້ຂອງລັດຖະບານ ເນທັນຢາຮູ.

ອ້າງອີງ:

http://www.aljazeera.com/…/protests-swell-in-israel-as…

https://news.yahoo.com/protests-swell-tel-aviv-28th…

http://www.voanews.com/…/protests-swell-in…/7182706.html