ສ.ເກົາຫລີ ຝົນຕົກ-ນ້ຳຖ້ວມໜັກ ເສຍຊີວິດແລ້ວຫລາຍກວ່າ 30 ຄົນ ໜ່ວຍກູ້ໄພເລັ່ງອົບພະຍົບປະຊາຊົນໄປພື້ນທີ່ປອດໄພ

ສຳນັກຂ່າວຕ່າງປະເທດລາຍງານ: ເຈົ້າໜ້າທີ່ກູ້ໄພ ສ.ເກົາຫລີ ກຳລັງພະຍາຍາມຊ່ວຍເຫລືອປະຊາຊົນຜູ້ທີ່ຕິດຢູ່ພາຍໃນອຸໂມງ ຫລັງຈາກຝົນຕົກໜັກຕິດຕໍ່ກັນຫລາຍວັນ ສົ່ງຜົນໃຫ້ເກີດນ້ຳຖ້ວມໜັກ ແລະ ດິນເຈືີ່ອນຫລາຍແຫ່ງ ມີຜູ້ເສຍຊີວິດແລ້ວຢ່າງໜ້ອຍ 37 ຄົນ ສູນຫາຍອີກ 9 ຄົນ.
ເຈົ້າໜ້າທີ່ກູ້ໄພຫລາຍຮ້ອຍຄົນພະຍາຍາມເຂົ້າໃຫ້ເຖິງລົດທີ່ຕິດຢູ່ໃນອຸໂມງຫລາຍກວ່າ 10 ຄັນ ແລະ ຜູ້ປະສົບໄພທີ່ຍັງບໍ່ມີຂໍ້ມູນຊັດເຈນ ອຸໂມງດັ່ງກ່າວມີຄວາມຍາວປະມານ 430 ກມ, ເຖິງແມ່ນວ່າສູບນ້ຳອອກແລ້ວແຕ່ລະດັບນ້ຳຍັງເລິກຢູ່ແລະເປັນອຸປະສັກໃນການຄົ້ນຫາ, ດ້ານສຳນັກງານອຸຕຸນິຍົມວິທະຍາ ສ.ເກົາຫລີ ເຕືອນວ່າ ຈະມີຝົນຕົກໜັກໄປຈົນຮອດວັນພຸດທີ່ຈະມາເຖິງນີ້ ແລະ ຫ້າມບໍ່ໃຫ້ປະຊາຊົນອອກຈາກເຮືອນ.