ຄາຣລັອສ ອາວຄາຣາຊ ມື 1 ຂອງໂລກ ເອົາຊະນະ ດານິວ ແມັດເວເດັຟ ໃນຮອບ 4 ຄົນສຸດທ້າຍ

ຄາຣລັອສ ອາວຄາຣາຊ ມື 1 ຂອງໂລກ ຈາກສະເປນ (ແອັສປາຍ) ເພີ່ມສະຖິຕິໃໝ່ໃຫ້ຕົນເອງໃນແກຣນສະແລມ ວິມເບີດັນ ຫລ້າສຸດເຂົ້າຊິງຊະນະເລີດຄັ້ງທຳອິດ ພາຍຫລັງເອົາຊະນະ ດານິວ ແມັດເວເດັຟ ມື 3 ຂອງລາຍການ ຈາກຣັດເຊຍ ໃນຮອບ 4 ຄົນສຸດທ້າຍ 3-0 ເຊັດ: 6-3 ທັງສາມເຊັດ.

ສຳລັບ ຮອບຊິງຊະນະເລີດ ອາວຄາຣາຊ ໄປພົບກັບ ໂນວັກ ໂຢໂຄວີກ ແຊ້ມເກົ່າ ມື 2 ຂອງໂລກ ຈາກເຊີເບຍ (ແຊັກບີ້) ທີ່ສ້າງປະຫວັດສາດ ເປັນນັກເທັນນິສຄົນທຳອິດ ເຂົ້າຮອບຊິງແກຣນສະແລມ 35 ຄັ້ງ ພາຍຫລັງເອົາຊະນະ ຢານນິກ ຊິນເນີ ມື 8 ຂອງລາຍການ ຈາກອີຕາລີ 3-0 ເຊັດ: 6-3, 6-4 ແລະ 7-6(7/4).