ແມນຢູ ກຽມບັນລຸຄວ້າ ອອງເດຣ ໂອນານາ ເຝົ້າເສົາ ຄ່າຕົວ 55 ລ້ານຢູໂຣ

ສື່ຊື່ດັງລາຍງານວ່າ ແມນເຊສເຕີ ຢູໄນເຕັດ ກຽມບັນລຸຂໍ້ຕົກລົງໃນການຄວ້າ ອອງເດຣ ໂອນານາ ຜູ້ຮັກສາປະຕູ ອິນເຕີ ມິລານ ມາຮ່ວມທີມດ້ວຍຄ່າຕົວລວມ 55 ລ້ານຢູໂຣ ບວກເງິນສ່ວນເສີມ.

ໂດຍ ແມນຢູ ທີ່ມີ ເອຣິກ ເທນ ຮາກ ເປັນຜູ້ຈັດການທີມສະແດງທ່າທີຈະແຈ້ງວ່າຕ້ອງການປິດການຊື້ ໂອນານາ ມາເຝົ້າເສົາ ຫລັງພວກເຂົາຕັດສິນໃຈບໍ່ຕໍ່ສັນຍາ ດາບິດ ເດ ເຄອາ ຜູ້ຮັກສາປະຕູມື 1 ຂອງທີມ.

ກ່ອນໜ້ານີ້ມີລາຍງານວ່າ ຟາບຣີຊີໂອ ໂຣມາໂນ ລະບຸວ່າ ແມນຢູ ໃກ້ບັນລຸຂໍ້ຕົກລົງໃນການເຊັນ ໂອນານາ ມາຮ່ວມທີມແລ້ວ ຫລັງຂໍ້ສະເໜີຈຳນວນລວມ 55 ລ້ານຢູໂຣ ແບ່ງເປັນຄ່າຕົວ 50 ລ້ານຢູໂຣ ບວກເງິນສ່ວນເສີມອີກ 5 ລ້ານຢູໂຣ ໄດ້ຮັບການຕອບຮັບ ເຊິ່ງຂະນະນີ້ເຫລືອພຽງການເຈລະຈາເລື່ອງໂຄງສ້າງໂບນັສຂັ້ນຕອນສຸດທ້າຍ.

ຂະນະທີ່ເລື່ອງສັນຍາສ່ວນຕົວລະຫວ່າງ ແມນຢູ ກັບ ມືກາວອາຍຸ 27 ປີລາຍນີ້ນັ້ນກໍບໍ່ເປັນບັນຫາແຕ່ຢ່າງໃດ.