ດາວິນ ນູເນຊ ຫວັງຮຽກຟອມເກັ່ງ ຫລັງປ່ຽນມາໃສ່ເບີ 9 ລົງຫລິ້ນໃຫ້ ລິເວີພູ ລະດູການ 2023/24

ດາວິນ ນູເນຊ ກອງໜ້າຊາວອູຣູກວາຍ ອາຍຸ 24 ປີ ຈາກ ລິເວີພູລ ຈະປ່ຽນໃສ່ເສື້ອໝາຍເລກ 9 ລົງຫລິ້ນໃຫ້ກອງທັບ “ຫົງແດງ” ຢ່າງເປັນທາງການໃນລະດູການ 2023/24. ຈາກເດີມທີ່ໃສ່ເສື້ອໝາຍເລກ 27 ໃນລະດູການທີ່ຜ່ານມາ.

ໂດຍ ນູເນຊ ໄດ້ເລືອກໃສ່ເສື້ອໝາຍເລກ 9 ໃຫ້ ລິເວີພູລ ຫລັງຈາກທີ່ ໂຣແບໂຕ ຟິມິໂນ ກອງໜ້າຊາວບຣາຊິນ. ຜູ້ເປັນທີ່ຮັກຂອງແຟນບານຂອງ ລິເວີພູລ ທີ່ໄດ້ອຳລາຈາກທີມໄປແລ້ວ ຫລັງຈາກຈົບລະດູການ 2022/23.

ຜົນງານຂອງ ດາວິນ ນູເນຊ ລະດູການທໍາອິດກັບ ລິເວີພູລ ລົງຫລິ້ນ 42 ນັດໃນທຸກການແຂ່ງຂັນ, ຍິງໄດ້ 15 ປະຕູ ແລະ 4 ແອສຊີສ.