ແອສຕັນ ວິລລາ ບັນລຸຂໍ້ຕົກລົງຄວ້າ ເປົາ ຕໍເຣສ ເຊັນສັນຍາ 5 ປີ
ແອສຕັນ ວິລລາ ປາດໜ້າບັນດາທີມໃຫຍ່ທົ່ວຢູໂຣບ ຫລັງປະກາດຄວ້າລາຍເຊັນ ເປົາ ຕໍເຣສ ຈາກ ບີຢາ ຣຽວ ດ້ວຍຄ່າຕົວ 31,5 ລ້ານປອນ ເຊັນສັນຍາ 5 ປີ.
ແອສຕັນ ວິລລາ ແຫ່ງພຣີເມຍລີກ ອັງກິດ ປະກາດຢືນຢັນຄວ້າ ເປົາ ຕໍເຣສ ກອງຫລັງຈາກ ບີຢາ ຣຽວ ທີມເກ່ັງແຫ່ງ ລາ ລີກາ ສະເປນ ມາຮ່ວມທີມດ້ວຍຄ່າຕົວຕາມລາຍງານຂ່າວ 31,5 ລ້ານປອນ ເຊັນສັນຍາ 5 ປີ.
ຕໍເຣສ ເປັນຜົນຜະລິດຈາກລະບົບເຍົາວະຊົນຂອງ ບີຢາ ຣຽວ ກ້າວຂຶ້ນທີມຊຸດໃຫຍ່ຕັ້ງແຕ່ປີ 2017 ກ່ອນຈະພັດທະນາຕົນເອງຈົນກາຍເປັນນັກເຕະຄົນສຳຄັນຂອງທີມ ດ້ວຍການລົງຫລິ້ນໃຫ້ທີມໄປທັງຫມົດ 173 ນັດ ຍິງໄດ້ 12 ປະຕູ.
ນອກຈາກນີ້ ຕໍເຣສ ອາຍຸ 26 ປີ ຍັງຫລິ້ນໃຫ້ທີມຊາດສະເປນໄປແລ້ວ 23 ນັດ ແລະ ຜ່ານມາລາວມີຂ່າວໄດ້ຮັບຄວາມສົນໃຈຈາກຫລາຍສະໂມສອນ ແຕ່ເລືອກຍ້າຍມາຢູ່ກັບວິລລາ ໃນທີ່ສຸດ.
ໂດຍ ຕໍເຣສ ຈະໄດ້ຫວນຄືນມາງານກັບ ອູໄນ ເອເມຣີ ຜູ້ຈັດການທີມຊາວສະເປນ ຫລັງທັງຄູ່ເຄີຍຮ່ວມງານກັນຢູ່ ບີຢາ ຣຽວ ປີ 2020-22 ເຊິ່ງໃນຕອນນັ້ນ ບີຢາ ຣຽວ ໄດ້ແຊ໊ມ ຢູຟາ ຢູໂຣປາ ລີກ 1 ສະໄຫມ.
