ທັບນັກກິລາເປຕັງທີມຊາດລາວ ຄວ້າ 2 ຫຼຽນຄຳ ລາຍການຊີງແຊ໊ມ ຫວຽດນາມ ໂອເພນ

ທັບນັກກິລາເປຕັງທີມ ຊາດລາວ ສະແດງຜົນງານໄດ້ ຢ່າງດີເດັ່ນສາມາດຄວ້າ 2 ຫຼຽນຄຳ ຈາກປະເພດທີມຊຸດ ຊາຍ ແລະ ດ່ຽວຊຸດຊາຍ ໃນ ການແຂ່ງຂັນກິລາເປຕັງຊີງ ແຊ໊ມນາໆຊາດ ຫຼື ລາຍ ການ ແພນປາຊີຝິກ ແຊ໊ມປຽນຊິບ 2017 ທີ່ນະຄອນຫຼວງໂຮ ຈິມິງ ສສ ຫວຽດນາມ ເປັນ ເຈົ້າພາບລະຫວ່າງວັນທີ 16-17 ກັນຍາຜ່ານມາ.
ໃນຕອງແລງວັນທີ 18 ກັນຍາຜ່ານມາ ທີ່ຂົວມິດຕະ ພາບ ລາວ-ໄ ທ (ເລກ 1)ທັບ ນັກກິລາເປຕັງທີມຊາດລາວ ໄດ້ເດີນທາງຈາກ ນະຄອນ ຫຼວງໂຮຈິມິງ ສສ ຫວຽດ ນາມ ພາຍຫຼັງສ້າງຜົນງານ ຄວ້າ 2 ຫຼຽນຄຳ ໃນລາຍ ການແຊ໊ມປຽນຊິບ 2017 ແລະ ໃຫ້ການຕ້ອນຮັບຢ່າງ ອົບອຸ່ນຂອງ ທ່ານ ວິທະວັດ ເທບພິທັກ ຮອງປະທານສະ ຫະພັນເປຕັງແຫ່ງຊາດລາວ ແລະ ທ່ານ ສົມຫວັງ ພັນນະ ວົງ ປະທານສະຫະພັນເປຕັງ ນະຄອນຫຼວງວຽງຈັນ ພ້ອມ ດ້ວຍຄະນະບໍລິຫານງານສະ ຫະພັນ, ພໍ່-ແມ່ ຜູ້ປົກຄອງນັກ ກິລາ, ຄູເຝິກ ແລະ ນັກກິລາ ເຂົ້າຮ່ວມ.
ໃນໂອກາດນີ້ ທ່ານ ວິທະ ວັດ ເທບພິທັກ ໃຫ້ສຳພາດວ່າ: ປີນີ້ເປັນປີຄຳ ແລະ ພິເສດທີ່ສຸດ ທີ່ທັບນັກກິລາເປຕັງທີມຊາດ ລາວ ທັງຊາຍ ແລະ ຍິງ ສາ ມາດສ້າງຜົນງານໄດ້ດີເດັ່ນໃນລະດັບພາກພຶ້ນ ແລະ ສາກົນ ໃນການຄວ້າ 1 ຫຼຽນຄຳ, 1 ຫຼຽນເງິນ ແລະ 3 ຫຼຽນທອງ ໃນຊີເກມ ຄັ້ງທີ 29 ທີ່ ມາເລ ເຊຍ ເປັນເຈົ້າເມື່ອບໍ່ດົນມານີ້ ແລະ ຫຼ້າສຸດກໍໄດ້ສົ່ງເຂົ້າຮ່ວມ ແຂ່ງຂັນກິລາເປຕັງ ແຊ໊ມປຽນ ຊິບ 2017. ເຊິ່ງມີນັກກິລາ ຈາກ 8 ປະເທດໃນຂົງເຂດເອ ເຊຍເຂົ້າຮ່ວມ, ໃນນັ້ນມີ 28 ທີມ ສຳລັບນັກກິລາລາວໄດ້ ສົ່ງ 4 ນັກກິລາລົງສະໜາມຊີງ ໄຊ 2 ລາຍການ ຜ່ານການ ແຂ່ງຂັນທັບນັກກິລາລາວສາມາດຍາດໄດ້ 2 ຫຼຽນຄຳ ຈາກ ປະເພດທີມຊຸດຊາຍ ແລະ ດ່ຽວຊຸດຕິ້ງຊາຍ. ເຖິງຢ່າງໃດ ກໍດີ ພາຍຫຼັງສຳເລັດໃນການ ເຂົ້າຮ່ວມຄັ້ງນີ້ ໃນຕົ້ນເດືອນຕຸ ລາ ສປປ ລາວ ຈະໄດ້ສືບຕໍ່ຮັບ ກຽດເປັນເຈົ້າພາບຈັດການ ແຂ່ງຂັນລາຍການລະດັບຊີງ ແຊ໊ມອາຊຽນ ແລະ ຊີງແຊ໊ມ ເອເຊຍ.
ຂ່າວຈາກ:laosportnews.com.