ອ້າຍ Mark ໂພສອວດ ພຽງແຕ່ 5 ມື້ ມີຜູ້ໃຊ້ບັນຊີ Threads ຮອດ 100 ລ້ານຄົນ!!

ກໍາລັງເປັນກະແສໃນຊ່ວງນີ້ ຫລັງຈາກທີ່ແອັບ Threads ໄດ້ເປີດໃຫ້ດາວໂຫລດເມື່ອບໍ່ດົນມານີ້ ເຊິ່ງຖືກສ້າງຂຶ້ນໂດຍ Mark Zuckerberg CEO ຂອງ Meta ອອກແບບມາເພື່ອເປັນຄູ່ແຂ່ງ Twitter ທີ່ເປັນຂອງ Elon Musk ໂດຍສະເພາະ

.

ຫລັງຈາກທີ່ແອັບ Threads ເປີດໃຫ້ໃຊ້ງານຢ່າງເປັນທາງການ ໄດ້ມີບັນຊີເກີດຂຶ້ນຢ່າງໄວກວ່າ 10 ລ້ານບັນຊີ ພາຍໃນເວລາພຽງແຕ່ 7 ຊົ່ວໂມງ, ເຮັດໃຫ້ Mark Zuckerberg ໄດ້ອອກມາໂພສຂໍ້ຄວາມ ເຊິ່ງບໍ່ແນ່ໃຈວ່າເປັນການອວດຄູ່ແຂ່ງ ຫລື ບໍ່

.

ແນວໃດກໍຕາມ ແອັບດັ່ງກ່າວ ຍັງໄດ້ຮັບຄວາມນິຍົມຢ່າງຫລວງຫລາຍ ແລະ ມີບັນຊີເພີ່ມຂຶ້ນຢ່າງຕໍ່ເນື່ອງ ແລະ ມາຖ້າຕິດຕາມຕອນຕໍ່ໄປວ່າ Threads ຈະພາພວກເຮົາໄປທິດທາງໃດ ຈະລອດ ຫລື ບໍ່ລອດ ກໍຕ້ອງລໍຖ້າກັນໄປອີກຈັກໜ້ອຍ

.

Threads ເປັນແອັບພິເຄຊັ່ນທີ່ໜ້າຕ່າງຄ້າຍກັບ Twitter ແລະ ຂຶ້ນຕົ້ນດ້ວຍຕົວອັກສອນ T ຄືກັນ ທີ່ມີໄວ້ໃຫ້ສັງຄົມໄດ້ສົນທະນາກັນໃນຫົວຂໍ້ຕ່າງໆ

.

Threads ມີຂໍ້ໄດ້ປຽບເດັ່ນໆແມ່ນສາມາດເຊື່ອມຕໍ່ Instagram ໄດ້ທັນທີ ແລະ ບໍ່ຈໍາເປັນຕ້ອງມາຕິດຕາມກັນໃໝ່ ແລະ ສາມາດພິມຕົວອັກສອນໄດ້ສູງສຸດເຖິງ 500 ຕົວ