ພົບສົບນັກທຸລະກິດເຢຍລະມັນ ຢູ່ໃນຕູ້ແຊ່ແຂງທີ່ຫາຍຕົວໄປຫລາຍວັນ ຊຸກເຊື່ອງໄວ້ໃນເຮືອນເຂດຊົນບູລີ ປະເທດໄທ

ຈາກກໍລະນີທີ່ ທ້າວ ຮັນ ປີເຕີ ແຣເຕີມັສ ນັກທຸລະກິດຊາວເຢຍລະມັນ ອາຍຸ 62 ປີ ຫາຍຕົວໄປຢ່າງປິດສະໜາຫລາຍວັນ, ມາຮອດວັນທີ 10 ກໍລະກົດ 2023 ທາງເຈົ້າໜ້າທີ່ຕຳຫລວດໄທ ໄດ້ຫລັກຖານສຳຄັນຈາກກ້ອງວົງຈອນປິດ ເຊິ່ງພົບວ່າລົດກະບະມາສດ້າ ສີດຳ ທະບຽນ 5667 ຊົນບູລີ ເປັນຂອງຄູ່ຜົວເມຍ ທີ່ເຂົ້າມາໃຫ້ປາກຄຳ ເພື່ອສະແດງຄວາມບໍລິສຸດໃຈ, ໂດຍໃຫ້ເຫດຜົນວ່າຖືກຮັບຈ້າງໃຫ້ເອົາຕູ້ແຊ່ແຂງສີຂາວ ຄວາມຍາວ 1,50 ແມັດ, ມີຝາປິດແຂງ ແລະ ບັນຈຸຖົງຢ່າງດີໃຫ້ນຳໄປສົ່ງທີ່ບ້ານພູວິນລາ ບ້ານໜອງປື, ເຂດບາງລະມຸນ, ຈັງວັດຊົນບູລີ, ໂດຍມີຄົນຕ່າງປະເທດຄ້າຍຄືແຂກຂາວນັ່ງຢູ່ທ້າຍລົດມານຳ ເມື່ອມາສົ່ງສໍາເລັດແລ້ວກໍບໍ່ໄດ້ສົນໃຈຫຍັງເລີຍຈົນກວ່າເຫດການ ຄາດວ່າກ່ຽວຂ້ອງກັບການຫາຍສາບສູນຂອງນັກທຸລະກິດເຢຍລະມັນ, ຕໍ່ມາເວລາ 20:10 ໂມງຂອງວັນດຽວກັນ, ເຈົ້າໜ້າທີ່ຈຶ່ງໄດ້ນຳກຳລັງເຂົ້າກວດຄົ້ນຈົນຮູ້ວ່າຕູ້ແຊ່ແຂງຖືກເຊື່ອງໄວ້ໃນບ້ານເຮືອນຊັ້ນດຽວພາຍໃນບ້ານດັ່ງກ່າວ ຢູ່ເຂດພື້ນທີ່ໝູ່ 5, ບ້ານ ໜອງບື, ເຂດບາງລະມຸນ, ຈັງວັດຊົນບູລີ, ຈຶ່ງໄດ້ນຳເອົາກຳລັງໄປກວດກາ ພ້ອມກັບເຈົ້າໜ້າທີ່ຕຳຫລວດ, ກອງກວດກາຫລັກຖານ, ເຂດ 2 ຊົນນະບູລີ, ເຊິ່ງຄາດວ່າສິ່ງຂອງຢູ່ພາຍໃນຕູ້ນັ້ນແມ່ນຖົງບັນຈຸສົບຂອງ ທ້າວ ຮັນ ປີເຕີ ນັກທຸລະກິດເຢຍລະມັນ ແລະ ຖ້າເມຍຜູ້ຕາຍກໍຢືນຢັນວ່າເປັນສົບຜົວຂອງຕົນແທ້.

ຫລ້າສຸດ ວັນທີ 11 ກໍລະກົດ 2023 ນີ້, ສານຈັງຫວັດພັດທະຍາ ອອກໝາຍຈັບຄາຕະກອນທີ່ຮ່ວມກັນກໍ່ເຫດກັນຂ້ານັກທຸລະກິດຊາວເຢຍລະມັນ 3 ຄົນຄື: 1. ທ້າວ ໂອຣາຟ ມາເຟຍ ຊາວເຢຍລະມັນ, 2. ໝູ່ທ້າວໂອຣາຟ ເປັນຄົນໄທ ສັນຊາດປາກິສຖານ ທີ່ນັ່ງຢູ່ເທິງກະບະລົດສີດຳ ແລະ 3. ນາງ ເພທາ ນາຍໜ້າຂາຍດິນ ໃນຂໍ້ຫາຮ່ວມກັນຂ້າຜູ້ອື່ນໂດຍເຈດຕະນາ ປິດບັງອຳພາງສົບ.