ເຂດເອີຣົບກວມເອົາ ປະມານ 10% ຂອງເນື້ອທີ່ພວມຢູ່ໃນສະພາບແຫ້ງແລ້ງຢ່າງໜັກໜ່ວງ

ຂ່າວສານຊີອາໄອລາຍງານ ວັນທີ 7 ກໍລະກົດ 2023 ຜ່ານມານີ້ວ່າ:  ໂຕເລກຂໍ້ມູນຫຼ້າສຸດຈາກສະຖານີສັງເກດຄວາມແຫ້ງແລ້ງເອີຣົບຂອງອົງການຄົ້ນຄວ້າສະຫະພາບເອີຣົບສະແດງໃຫ້ເຫັນວ່າປັດຈຸບັນ, ຢູ່ເອີຣົບມີພື້ນທີ່ຫຼາຍກວ່າ 1 ສ່ວນ 3 ຢູ່ໃນສະພາບການເຕືອນໄພແຫ້ງແລ້ງ, ມີປະມານ 10% ພວມຢູ່ໃນສະພາບແຫ້ງແລ້ງຢ່າງໜັກໜ່ວງ ໃນນັ້ນ, ແອັສປາຍ ແລະ ປັອກຕຸຍການ ມີສະພາບແຫ້ງແລ້ງໜັກໜ່ວງກວ່າໝູ່.

ຂ່າວແຈ້ງໃຫ້ຮູ້ວ່າ: ໃນຫຼາຍປີມໍ່ໆມານີ້, ຍ້ອນໄດ້ຮັບຜົນກະທົບຈາກການປ່ຽນແປງຂອງດິນຟ້າອາກາດ, ຫຼາຍພື້ນທີ່ຂອງເອີຣົບພວມປະເຊີນກັບສະພາບການຂາດເຂີນນ້ຳ. ສ່ວນຄວາມແຫ້ງແລ້ງທີ່ສືບຕໍ່ຢູ່ເອີຣົບ ໄດ້ສ້າງຜົນກະທົບໂດຍກົງຕໍ່ການຜະລິດທັນຍາຫານ, ຄວາມໝັ້ນຄົງດ້ານພະລັງງານ ແລະ ສິ່ງແວດລ້ອມນິເວດຂອງເອີຣົບ, ໃນຕໍ່ໜ້າອາດຈະຍັງມີຜົນກະທົບທີ່ເລິກເຊິ່ງຍາວນານກວ່າເກົ່າ.