ເປແອສເຊ ຄວ້າ ອີ ຄັງ ອິນ ນັກເຕະຄົນທຳອິດຂອງເອເຊຍ ເຊັນສັນຍາ 5 ປີ
ປາຣີສ ແຊັງ ແຊັກແມັງ ມີນັກເຕະເອເຊຍມາຮ່ວມສັງກັດຄົນເອເຊຍທຳອິດໃນປະຫວັດສາດຂອງສະໂມສອນ ຫລັງບັນລຸຄວ້າ ອີ ຄັງ ອິນ ດ້ວຍລາຄາ 22 ລ້ານຢູໂຣ ເຊັນສັນຍາ 5 ປີ.
ປາຣີສ ແຊັງ ແຊັກແມັງ ທີມດັງແຫ່ງລີກ ເອິງ ຝຣັ່ງ ບັນລຸໃນການຄວ້າ ອີ ຄັງ ອິນ ກອງກາງທີມຊາດ ສ.ເກົາຫລີ ມາຈາກ ຢໍກາ ທີມໃນລີກ ສະເປນ ດ້ວຍຄ່າຕົວ 2 ລ້ານຢູໂຣ ນັກເຕະເຊັນສັນຍາ 5 ປີ ນັບເປັນນັກເຕະເອເຊຍຄົນທຳອິດໃນປະຫວັດສາດຂອງສະໂມສອນ.
ນອກຈາກນີ້ ອີ ຄັງ ອິນ ອາຍຸ 22 ປີ ຍັງເປັນນັກເຕະໃຫມ່ລາຍທີ 4 ຂອງເປແອສເຊ ໃນຕະຫລາດຮອບນີ້ຕໍ່ຈາກ ມາໂກ ອເຊນຊີໂອ ກອງໜ້າທີມຊາດສະເປນ, ມິລານ ສະຄຣີເນຍ ກອງຫລັງທີມຊາດສະໂລວະເກຍ ແລະ ມານູເອລ ອູກາເຕ ກອງກາງທີມຊາດອຸຣຸໄກວ.
ອີ ຄັງ ອິນ ກ່າວວ່າ : “ ມັນເປັນຄວາມຮູ້ສຶກທີ່ສຸດຍອດໃນການຍ້າຍມາເປແອສເຊ ນີ້ເປັນຫນຶ່ງໃນສະໂມສອນທີ່ຍິ່ງໃຫຍ່ທີ່ສຸດຂອງໂລກ ແລະ ມີຍອດນັກເຕະຂອງໂລກຢູ່ໃນທີມ ຂ້ອຍບໍ່ຢາກຈະຖ້າການເລີ່ມຕົ້ນເສັ້ນທາງໃຫມ່ຂອງອາຊີບໄດ້ແລ້ວ ”.
ສຳລັບ ອີ ຄັງ ອິນ ຫລິ້ນຢູ່ໃນຢູໂຣບມາດົນນັບຕັ້ງແຕ່ເຂົ້າສູ່ທີມເຍົາຊົນຂອງບາເລນເຊຍ ເມື່ອປີ 2011 ຈາກນັ້ນເລື່ອນຊັ້ນຂຶ້ນທີມຊຸດໃຫຍ່ບາເລນເຊຍ ແລະ ຍ້າຍໄປມາຢໍກ້າ ນອກຈາກນີ້ ລາວຍັງຕິດທີມຊາດໄປແລ້ວ 14 ນັດ.
