ເກີດເຫດເຄື່ອງບິນຕົກຢູ່ລັດແຄລິຟໍເນຍ ຜູ້ໂດຍສານ-ນັກບິນ 6 ຄົນເສຍຊີວິດ

ສຳນັກຂ່າວຕ່າງປະເທດລາຍງານ: ວັນທີ 9 ກໍລະກົດ 2023, ເກີດເຫດເຄື່ອງບິນ ເຊສນາຊີ 550 CessnaC550 ທີ່ເດີນທາງມາຈາກນະຄອນຣາດເວກັສ ປະສົບເຫດຕົກລົງໃນທົ່ງຫຍ້າໃກ້ກັບສະໜາມບິນ French Valley ທາງຕາເວັນອອກສຽງໃຕ້ຂອງ ລັດແຄລິຟໍເນຍ ສົ່ງຜົນໃຫ້ຜູ້ໂດຍສານ ແລະ ນັກບິນ ລວມ 6 ຄົນ ເສຍຊີວິດໃນຈຸດເກີດເຫດ.

ໂດຍເຄື່ອງບິນໄດ້ຮັບຄວາມເສຍຫາຍຢ່າງໜັກ ແລະ ມີຮ່ອງຮອຍເພີງໄໝ້ໝົດລຳ ຍົກເວັ້ນສ່ວນຫາງຂອງເຄື່ອງບິນ ສ່ວນສາເຫດໃນຄັ້ງນີ້ຍັງບໍ່ມີຂໍ້ມູນທີ່ຊັດເຈນ ເຊິ່ງເຈົ້າໜ້າທີ່ໄດ້ທຳການສືບສວນ-ສອບສວນຕໍ່ໄປ ແລະ ເຈົ້າໜ້າທີ່ຍັງບໍ່ເປີດເຜີຍຂໍ້ມູນຂອງຜູ້ໂດຍສານ ແລະ ນັກບິນ.