ອົງການສະຫະປະຊາຊາດ ຮຽກຮ້ອງການລົງທຶນຂະໜາດໃຫຍ່ໃຫ້ແກ່ພະລັງງານສະອາດ ຢູ່ບັນດາປະເທດພວມພັດທະນາ
ສຳນັກຂ່າວຕ່າງປະເທດລາຍງານ: ສະຫະປະຊາຊາດ ຮຽກຮ້ອງ ການລົງທຶນ ຂະໜາດໃຫຍ່ໃຫ້ແກ່ພະລັງງານສະອາດຢູ່ບັນດາ ປະເທດພວມພັດທະນາ, ຖ້າບໍ່ລົງທຶນກໍຍາກທີ່ຈະບັນລຸໄດ້ບັນດາເປົ້າໝາຍກ່ຽວກັບການຮັບມືກັບ ດິນຟ້າ ອາກາດ ໃນປີ 2030. ຕາມກອງປະຊຸມ ສະຫະປະຊາຊາດ ກ່ຽວກັບ ການຄ້າ ແລະ ການພັດທະນາ (UNCTAD) ແລ້ວ, ບັນດາປະເທດພວມພັດທະນາ ຕ້ອງການບ້ວງເງິນລົງທຶນໃຫ້ແກ່ພະລັງງານທົດແທນ ທີ່ມີມູນຄ່າ ປະມານ 1.700 ຕື້ໂດລາ ສະຫະລັດ ຕໍ່ປີ ແຕ່ດຶງດູດ ໄດ້ເງິນລົງທຶນ ໂດຍກົງ ຈາກຕ່າງປະເທດໃຫ້ແກ່ ພະລັງງານສະອາດ ໃນປີ 2022 ໄດ້ພຽງ ແຕ່ ປະມານ 544 ຕື້ໂດລາ ສະຫະລັດ ເທົ່ານັ້ນ. ໃນໂອກາດນີ້ ທ່ານ ອັນໂຕນີໂອ ກູເຕີເຣສ (Antonio Guterres), ເລຂາທິການໃຫຍ່ ສະຫະປະຊາຊາດ ໃຫ້ຮູ້ວ່າ: ໂລກ ຈະບໍ່ ຕອບສະໜອງ ໄດ້ຄວາມຮຽກຮ້ອງຕ້ອງການດ້ານພະລັງງານ ແລະ ບໍ່ສາມາດປົກປ້ອງໜ່ວຍໂລກ ແລະ ອະນາຄົດໄດ້ ຖ້າຫາກວ່າ ພາກ ເອກະຊົນ ບໍ່ລົງທຶນດ້ວຍຂອບຂະໜາດໃຫຍ່ ໃຫ້ແກ່ພະລັງງານ ທົດແທນຢູ່ບັນດາ ປະເທດ ພວມພັດທະນາ. ຂະນະທີ່ ໂລກພວມມີການກະທຳທີ່ຊ້າລົງຢ່າງໜ້ອຍສຸດ ແມ່ນ 10 ປີ ໃນບັນດາ ຄວາມມານະພະຍາຍາມ ເພື່ອແນ ສ່ ຫລຸດຜ່ອນສະພາບ ການໜ່ວຍໂລກ ອຸ່ນຂຶ້ນ. ດັ່ງນັ້ນ, ການລົງທຶນ ໃຫ້ແກ່ພະລັງງານທົດແທນ ຢູ່ບັນດາປະເທດ ພວມພັດທະນາແມ່ນວຽກງານ ຈຳເປັນ ແລະ ແມ່ນວິທີປະຢັດທີ່ສຸດເພື່ອເພີ່ມທະວີພະລັງງານ.
