ເກີດເຫດລະເບີດ ແລະ ໄຟໄໝ້ ຖານຂຸດເຈາະອາຍແກັສ Nohoch ຢູ່ອ່າວແມັກຊິໂກ ມີຜູ້ບາດເຈັບ 6 ຄົນ ແລະ ຫລາຍຄົນຫາຍສາບສູນ
ສຳນັກຂ່າວ AP ລາຍງານໃນວັນທີ 7 ກໍລະກົດ 2023 ວ່າ: ທ່ານ ແອນເດສ ມານູເອວ ໂລເປ ໂອບຣາເດີ (Andres Manuel Lopez Obrador) ປະທານາທິບໍດີ ແມັກຊິໂກ ປະກາດເຫດລະເບີດ ແລະ ໄຟໄໝ້ ຢ່າງຮຸນແຮງ ໃນຖານຂຸດເຈາະ ແລະ ແຈກຢາຍອາຍແກັສ “ໂນໂຮ” (Nohoch) ຢູ່ອ່າວແມັກຊິໂກ, ສົ່ງຜົນໃຫ້ຄົນງານໄດ້ຮັບບາດເຈັບ 6 ຄົນ ແລະ ອີກຫລາຍຄົນຫາຍສາບສູນ.
ທາງບໍລິສັດ Petroleos Mexicanos ກ່າວວ່າ: ຖານຂຸດເຈາະ “ໂນໂຮ” ແຫ່ງນີ້ຕັ້ງຢູ່ບໍລິເວນນອກຝັ່ງທະເລ ລະຫວ່າງ ລັດທາບາສໂກ ແລະ ລັດກຳເປເຊ ຕາເວັນອອກສຽງໃຕ້ຂອງປະເທດ, ເຊິ່ງດໍາເນີນງານໂດຍບໍລິສັດ Petroleos Mexicanos ລັດຖະບານແມັກຊິໂກ. ພາຍຫລັງເກີດອຸບັດເຫດມີ ເຮືອ 7 ລຳໄດ້ຊ່ວຍຂົນສົ່ງຄົນງານ 321 ຄົນອອກຈາກຖານເຈາະດັ່ງກ່າວ.ຂະນະທີ່ເຮືອດັບເພີງກຳລັງເລັ່ງສີດນ້ຳເພື່ອດັບໄຟຢູ່ຖານຂຸດເຈາະອາຍແກັສນັ້ນ.
ສ່ວນສາເຫດຂອງການລະເບີດພວມຢູ່ໃນລະຫວ່າງການສືບສວນ-ສອບສວນ, ໃນເບື້ອງຕົ້ນເຊື່ອວ່າແມ່ນເກີດຈາກແກັສຮົ່ວ.
