ແມນຢູ ກຽມຄວ້າຜູ້ຮັກສາປະຕູລູກເຄິ່ງຍີ່ປຸ່ນຈາກ ເຈລີກ

ມີລາຍງານວ່າ ແມນເຊສເຕີ ຢູໄນເຕັດ ເຂົ້າໃກ້ການເຊັນສັນຍາກັບ ຊິອອນ ຊູຊູກິ ຜູ້ຮັກສາປະຕູຈາກ ເຈລີກ ໄປຮ່ວມທີມໃນຕະຫລາດລະດູການນີ້.

ແມນເຊສເຕີ ຢູໄນເຕັດ ທີມດັງໃນພຣີເມຍລີກ ໃກ້ຄວ້າຕົວ ຊິອອນ ຊູຊູກິ ຜູ້ຮັກສາປະຕູທີມຊາດຍີ່ປຸ່ນຂອງ ອຸຣາວະ ເຣດ ໄດມອນ ມາຮ່ວມທີມຫລັງຈາກທີ່ພວກເຂົາຍື່ນຂໍ້ສະເໜີຂໍຊື້ຕົວໄປເປັນເງິນ 5 ລ້ານປອນ.

ເອຣິກ ເທນ ຮາກ ພວມຊອກຫາຜູ້ຮັກສາປະຕູຄົນໃຫມ່ໂດຍຢູ່ໃນໄລຍະຂອງການເຈລະຈາເພື່ອຄວ້າຕົວ ອັນເດຣ ໂອນານາ ມາຈາກ ອິນເຕີ ມິລານ ເຊິ່ງຄາດວ່າຈະຕ້ອງໃຊ້ເງິນປະມານ 55 ລ້ານປອນ.

ແນວໃດກໍຕາມພວກເຂົາກໍໄດ້ມີການຍື່ນຂໍ້ສະເໜີໄປຍັງ ອຸຣາວະ ເພື່ອຂໍຊື້ ຊູຊູກິ ເຊັ່ນດຽວກັນ ຫລັງຈາກທີ່ໄດ້ຕິດຕາມຜົນງານຂອງນັກເຕະມາຕັ້ງແຕ່ປີ 2017 ແລະ ເບິ່ງວ່າໃກ້ຈະປະສົບຄວາມສຳເລັດແລ້ວ.

ຫາກການຊື້ຂາຍນີ້ລຸລ່ວງໄປດ້ວຍດີຜູ້ຮັກສາປະຕູອາຍຸ 20 ປີຈະກາຍເປັນນັກເຕະເຈລີກທີ່ມີຄ່າຕົວແພງທີ່ສຸດໂດຍທຳລາຍສະຖິຕິຂອງ ຄຽວໂກະ ຟູຣູຮາຊິ ທີ່ຍ້າຍໄປ ກລາສໂກ ດ້ວຍຄ່າຕົວ 4,5 ລ້ານປອນ.

ສຳລັບ ຊູຊູກິ ນັ້ນເກີດທີ່ສະຫະລັດ ອາເມລິກາ ໂດຍມີບິດາເປັນຊາວການາດາ ແລະ ມານດາ ເປັນຊາວຍີ່່ປຸ່ນ ຕິດທີມຊາດມາທຸກລະດັບ ແລະ ຕິດທີມຊາດຊຸດໃຫຍ່ໄປແລ້ວ 1 ນັດ.