ເກີດ​ເຫດ​ປຸ້ນ​ຮ້ານ​ຄຳຢູ່​​ແຂວງຄຳ​ມ່ວນ

- 21558795 362887770807575 6444492886722531184 n - ເກີດ​ເຫດ​ປຸ້ນ​ຮ້ານ​ຄຳຢູ່​​ແຂວງຄຳ​ມ່ວນ
- kitchen vibe - ເກີດ​ເຫດ​ປຸ້ນ​ຮ້ານ​ຄຳຢູ່​​ແຂວງຄຳ​ມ່ວນ

​ເຈົ້າໜ້າທີ່​ ປກສ ​ແຂວງຄຳ​ມ່ວນ ​ໃຫ້​ຮູ້​ວ່າ: ໃນເວລາ 17 ໂມງຂອງວັນ​ທີ 18 ກັນຍານີ້, ​ໄດ້​ເກີດ​ເຫດ​ຄົນ​ຮ້າຍ 3 ຄົນ​ໃຊ້​ອາວຸດ​ປືນ​ສັ້ນ​ບຸກເຂົ້າປຸ້ນ​ຮ້ານ​ຂາຍ​ຄຳຢູ່​ບ້ານສັນຕິ​ສຸກ​ເມືອງທ່າ​ແຂກ​ແຂວງຄຳ​ມ່ວນ, ​ເຊິ່ງ​ໄດ້​ຄຳ​ຮູບ​ປະພັນໄປ 5 ກິ​ໂລກ່ອນ​ຈະ​ຫລົບໜີ, ໃນ​ຂະນະ​ທີ່ທາງ​ຮ້ານ​ຂາຍ​ຄຳດັ່ງກ່າວກຳລັງ​ຈະ​ປິດ​, ​ໄດ້​ມີ​ຄົນ​ຮ້າຍ 1 ຄົນ​, ໃສ່ໝວກປິດ​ບັງ​ໃບໜ້າ​ໃຊ້​ອາວຸດ​ປືນ​ສັ້ນ​ພ້ອມໝູ່ອີກ 2 ຄົນ​, ເຂົ້າມາ​ທຸບ​ຕູ້ແກ້ວແລ້ວກວາດເອົາ​ຄຳ​ຮູບ​ປະພັນໃສ່​ຖົງ​ສີດຳ​, ​ໃນ​ຂະນະ​ດຽວກັນ, ຜູ້​ເປັນ​ເຈົ້າ​ຂອງ​ຮ້ານ​ໄດ້​ໃຊ້​ປືນ​ຍິງ​ໃສ່​ຄົນ​ຮ້າຍ ​ແລະ ຕໍ່ສູ້​ກັນ ກ່ອນ​ທີ່​ທັງ​ສາມ​ຄົນ​ຈະ​ເອົາ​ຕົວ​ຫລົບໜີຂຶ້ນລົດ​ຕູ້ສະຕາ​ແລັກສີ​ປອນ​ເງີ​ນບໍ່ມີ​ປ້າຍ​ທະບຽນ ​ແລ້ວ​ຂັບ​ຂີ່​ມຸ້ງໜ້າ​ໄປ​ທາງ​ແຂວງສະຫວັນ​ນະ​ເຂດ, ກ່ອນ​ຄົນ​ຮ້າຍຈະຂີ່​ລົດ​ລ້ຽວກັບຄືນ​ມານະຄອນຫລວງ​ວຽງຈັນ, ​ພໍມາ​ຮອດ​ເຂດນ້ຳ​ໂດນ​ເມືອງທ່າ​ແຂກ, ຄົນຮ້າຍໄດ້ຍູ້ລົດດັ່ງກ່າວຖີ້ມລົງນ້ຳແລ້ວພ້ອມກັນຂຶ້ນລົດເກັງອີກຄັນໜຶ່ງຫລົບໜີ, ຊຶ່ງປັດຈຸບັນ, ກຳລັງເຈົ້າໜ້າທີ່ພວມເລັ່ງຕິດຕາມນຳຈັບຄົນຮ້າຍມາດຳເນີນຄະດີ.

- 3 - ເກີດ​ເຫດ​ປຸ້ນ​ຮ້ານ​ຄຳຢູ່​​ແຂວງຄຳ​ມ່ວນ
- Visit Laos Visit SALANA BOUTIQUE HOTEL - ເກີດ​ເຫດ​ປຸ້ນ​ຮ້ານ​ຄຳຢູ່​​ແຂວງຄຳ​ມ່ວນ
error: <b>Alert:</b> ເນື້ອຫາຂ່າວມີລິຂະສິດ !!