ອັດຕາການເກີດໃນ ສ.ເກົາຫລີ ຫລຸດລົງສູ່ລະດັບຕ່ຳທີ່ສຸດເປັນປະຫວັດສາດ

ຂ່າວຕ່າງປະເທດລາຍງານ ໃນວັນທີ 29 ມິຖຸນາ ຜ່ານມາ, ສຳນັກງານສະຖິຕິ ສ.ເກົາຫລີ ໄດ້ເປີດເຜີຍບົດລາຍງານປະຈຳເດືອນໂດຍລະບຸວ່າ: ໃນເດືອນເມສາຜ່ານມາ, ສ.ເກົາຫລີ ມີຈຳນວນເດັກນ້ອຍເກີດໃໝ່ພຽງ 18.484 ຄົນ ຊຶ່ງຫລຸດລົງ 12,7% ຈາກປີທີ່ຜ່ານມາ ແລະ ຖືວ່າເປັນໂຕເລກທີ່ຕໍ່າທີ່ສຸດໃນເດືອນເມສານັບຕັ້ງແຕ່ໜ່ວຍງານເລີ່ມຮວບຮວມຂໍ້ມູນລາຍເດືອນ ໃນປີ 1981.

ທັງນີ້, ສ ເກົາຫລີ ກຳລັງຈັດການກັບວິກິດອັດຕາການເກີດທີ່ຢູ່ໃນລະດັບຕ່ຳ ເນື່ອງຈາກຜູ້ຄົນຮຸ່ນ ໃໝ່ຕ່າງກໍເລື່ອນ ຫຼື ປ່ອຍປະການສ້າງຄອບຄົວຫຼາຍຂຶ້ນເລື້ອຍໆ ເພາະບັນຫາລາຄາບ່ອນຢູ່ອາໄສທີ່ເພີ່ມສູງຂຶ້ນ ແລະ ຄວາມບໍ່ແນ່ນອນທາງດ້ານເສດຖະກິດ. ອັດຕາການຈະເລີນພັນທັງໝົດຂອງ ສ ເກົາຫລີ ຫຼື ໂຕເລກສະເລ່ຍຂອງເດັກນ້ອຍທີ່ຄາດຫວັງຕໍ່ແມ່ຍິງ ສ ເກົາຫລີ 1 ຄົນ ຕະຫຼອດຊີວິດການສືບພັນຢູ່ທີ່ 0,81 ຄົນ ໃນໄລຍະໄຕມາດທຳອິດຂອງປີນີ້ ຊຶ່ງຕໍ່າກວ່າລະດັບທົດແທນທີ່ 2,1 ຄົນ ຈະເຮັດໃຫ້ປະຊາກອນ ສ ເກົາຫລີ ຄົງຢູ່ປະມານ 51 ຄົນ. ສຳນັກງານສະຖິຕິ ສ ເກົາຫລີ ລະບຸວ່າ ຄົນເກົາຫລີ ທີ່ມີອາຍຸ 65 ປີຂຶ້ນໄປ ຈະມີອັດຕາສ່ວນ 46,4% ຂອງປະຊາກອນທັງໝົດປະເທດໃນປີ 2070 ຊຶ່ງເປັນການຄາດຄະເນທີ່ສະແດງເຖິງການສູງໄວຂອງປະຊາກອນຢ່າງໄວວາ ທ່າມກາງອັດຕາການເກີດທີ່ຫລຸດລົງຢ່າງໜັກຂອງປະເທດ.