ຟາເບຣກາສ ປະກາດຈົບເສັ້ນທາງນັກເຕະອາຊີບ 20 ປີແລ້ວ

ເຊສ ຟາເບຣກາສ ປິດສາກເສັ້ນທາງນັກເຕະອາຊີບໄວ້ທີ່ 20 ປີ ຫລັງປະກາດແຂວນເກີບເປັນທີ່ຮຽບຮ້ອຍແລ້ວ ຈາກນີ້ຈະເດີນໜ້າສູ່ເສັ້ນທາງຜູ້ຈັດການທີມຕໍ່ໄປ.

ເຊສ ຟາເບຣກາສ ອະດີດກອງກາງທີມຊາດສະເປນ ຊຸດແຊ໊ມໂລກ ແລະ ແຊ໊ມຢູໂຣບ ປະກາດແຂວນເກືອບແລ້ວໃນອາຍຸ 36 ປີ ປິດສາກເສັ້ນທາງນັກເຕະອາຊີບໄວ້ທີ່ 20 ປີພໍດີ.

ຟາເບຣກາສ ເລີ່ມຕົ້ນການເປັນນັກເຕະອາຊີບຫລັງໄດ້ເລື່ອນຊັ້ນຂຶ້ນທີມຊຸດໃຫຍ່ຂອງ ອາເຊນອລ ແຫ່ງພຣີເມຍລີກ ອັງກິດ ໃນປີ 2003 ຈາກນັ້ນກໍກາຍເປັນນັກເຕະຕົວຫລັກຢ່າງຫມັ້ນຄົງຈົນເຖິງປີ 2011 ຈຶ່ງຍ້າຍໄປ ບາເຊໂລນາ ທີມໃນລາລີກາ ສະເປນ.

ຫລັງຈາກນັ້ນ ລາວຍັງໄດ້ຫລິ້ນໃຫ້ກັບ ເຊລຊີ, ໂມນາໂກ ແລະ ໂຄໂມ ເຊິ່ງຫລັງປະກາດຈົບອາຊີບຄັ້ງນີ້ ລາວກໍໄດ້ຮັບການແຕ່ງຕັ້ງໃຫ້ຄູຝຶກສອນຂອງ ໂຄໂມ ຊຸດທີມ ບີ ແລະ ຊຸດ ຢູ-19.

ສ່ວນຜົນງານທີມຊາດສະເປນ ຟາເບຣກາສ ຕິດທີມທັງຫມົດ 110 ນັດ ຍິງໄດ້ 15 ປະຕູ ຢູ່ໃນທີມຊຸດແຊ໊ມໂລກ 2021 ກັບ ແຊ໊ມຢູໂຣ 2 ສະໄຫມ ໃນປີ 2008 ແລະ 2012.