ຟີມີໂນ ບັນລຸຂໍ້ຕົກລົງຍ້າຍໄປທີມ ຊາອຸດິ ຫລັງຫມົດສັນຍາກັບ ລີເວີພູລ
ຟາບຣີຊີໂອ ໂຣມາໂນ ນັກຂ່າວກິລາຊື່ດັງລາຍງານວ່າ ອັລ ອາລີ ທີມດັງແຫ່ງລີກ ຊາອຸດິ ອາຣະເບຍ ບັນລຸຂໍ້ຕົກລົງຄວ້າຕົວ ໂຣແບໂຕ ຟີມີໂນ ທີ່ຫາກໍຫມົດສັນຍາກັບ ລີເວີພູລ ໄປຮ່ວມທີມໄດ້ເປັນທີ່ຮຽບຮ້ອຍແລ້ວ.
ຟີມີໂນ ປະກາດອຳລາ ລີເວີພູລ ໄປຕັ້ງແຕ່ໄລຍະທ້າຍລະດູການ ຫລັງຈາກລາວຈະຫມົດສັນຍາກັບທີມລະດູການນີ້ ແລະ ຕັດສິນໃຈບໍ່ຂະຫຍາຍສັນຍາອອກໄປອີກ ເຮັດໃຫ້ດາວຍິງປະສົບການຫລາຍກາຍເປັນນັກເຕະອິດສະຫລະທັນທີຈົບລະດູການນີ້.
ຫລ້າສຸດ ໂຣມາໂນ ເປີດເຜີຍວ່າ ອັລ ອາລີ ສາມາດບັນລຸຂໍ້ຕົກລົງຄວ້າຕົວດາວຍິງອາຍຸ 31 ປີລາຍນີ້ໄປຮ່ວມທີມໄດ້ແລ້ວ ໂດຍຈະເຊັນສັນຍາເປັນເວລາ 3 ປີ.
ນັ້ນຈະເຮັດໃຫ້ ອັລ ອາລີ ສາມາດປິດການຊື້ຂາຍນັກເຕະດັງຈາກຢູໂຣບໄປຮ່ວມທີມໄດ້ເປັນລາຍທີສອງແລ້ວຕໍ່ຈາກ ເອດູອາດ ເມນດີ ຜູ້ຮັກສາປະຕູຊາວ ເຊເນກັລ ຈາກ ເຊລ ທີ່ຄວ້າຕົວໄປຮ່ວມທີມຢ່າງເປັນທາງການໄດ້ກ່ອນໜ້ານີ້.
ດ້ານ ຟີມີໂນ ຕະຫລອດ 8 ລະດູການໃນຖິ່ນ ແອນຟິລ ລາວລົງສະໜາມໄປທັງຫມົດ 362 ເກມ ເຮັດໄດ້ 111 ປະຕູ 79 ແອສຊິສ ລວມທຸກລາຍການ ຄວ້າແຊ໊ມ ພຣີເມຍລີກ ແລະ ຢູຟາ ແຊ໊ມປຽນລີກ ມາຄອງໄດ້ຢ່າງລະຫນຶ່ງສະໄຫມນຳກັນ.
