ສັນຍານອັນຕະລາຍ 7 ປະການຂອງພະຍາດມະເຮັງ

ພະຍາດມະເຮັງ ຖ້າເຮົາຮູ້ເທົ່າທັນ ຫລື ປິ່ນປົວແຕ່ຫົວທີກໍຈະສາມາດປິ່ນປົວໄດ້ຕັ້ງແຕ່ໃນໄລຍະເລີ່ມຕົ້ນທີ່ກວດພົບ ດັ່ງນັ້ນ ເຮົາຈຶ່ງຕ້ອງໝັ່ນສັງເກດ ແລະ ປະເມີນອາການຂອງພະຍາດ ໂດຍສັງເກດຈາກສັນຍານອັນຕະລາຍ 7 ປະການຕໍ່ໄປນີ້ :

1. ການມີບາດແຜຊຳ້ເຮື້ອ ຫລື ບາດແຜນານເຊົາ ດົນກ່ວາ 2 ອາທິດ.
2. ມີອາການຜິດປົກກະຕິຊຳ້ເຮື້ອຂອງລະບົບທາງເດີນອາຫານ ເຊັ່ນ: ຍື່ງທ້ອງ, ແໜ້ນທ້ອງ, ກືນອາຫານບໍ່ລົງ, ຖ່າຍຍາກ ສະຫລັບຖ່າຍແຫລວ ຫລື ຖອກທ້ອງ, ຖ່າຍເປັນເມືອກປົນເລືອດຊຳ້ເຮື້ອ.
3. ມີອາການໄອຊຳ້ເຮື້ອ ໂດຍຫາສາເຫດບໍ່ໄດ້ ຫລື ສຽງແຫບແຫ້ງຢູ່ດົນ.
4. ມີຕຸ່ມ ຫລື ກ້ອນແຂງເກີດຂຶ້ນ ເຊິ່ງປົກກະຕິບໍ່ມີ ໂດຍສະເພາະຢູ່ເຕົ້ານົມ, ຄໍ, ທ້ອງ, ຂີ້ແຮ້, ຂາໜີບ.
5. ມີການປ່ຽນແປງຂອງຕຸ່ມ, ຂີ້ກະຕອດ, ຂີ້ແມງວັນ, ປານ ທີ່ເຄີຍມີຢູ່ກ່ອນໜ້າ ປ່ຽນສີໄປຈາກສີເກົ່າ ຫລື ມີຂະໜາດໃຫຍ່ຜິດປົກກະຕິ.
6. ມີອາການຜິດປົກກະຕິຂອງປະຈຳເດືອນ ເຊັ່ນ: ປະຈຳເດືອນມາບໍ່ປົກກະຕິ, ບາງເດືອນມາໜ້ອຍ, ບາງເດືອນມາຫລາຍ ຫລື ບາງເດືອນບໍ່ມາເລີຍ.
7. ມີນຳ້ເຫລືອງ ຫລື ເລືອດ ຫລື ສິ່ງຜິດປົກກະຕິອື່ນໆ ອອກຕາມຕາ, ຫູ, ດັງ, ເຕົ້ານົມ, ຊ່ອງຄອດ, ທະຫວານໜັກ.

ຫາກພົບວ່າຕົນເອງມີອາການຜິດປົກກະຕິຢ່າງໃດຢ່າງໜຶ່ງ ຄວນຮີບໄປໂຮງໝໍເພື່ອຮັບການກວດໂດຍໄວ.

.

ຂໍ້ມູນຈາກ ກົມອະນາໄມ ກະຊວງສາທາລະນະສຸກ(ໄທ)