ປັກກິ່ງ ຍົກລະດັບເຕືອນໄພສີແດງ ຫລັງຄື່ນຄວາມຮ້ອນປົກຄຸມ ອຸນຫະພູມສູງເຖິງ 40 ອົງສາ

ສຳນັກຂ່າວຕ່າງປະເທດລາຍງານຈາກນະຄອນຫລວງ ປັກກິ່ງ ປະເທດຈີນ ວັນທີ 23 ມິຖຸນາ 2023 ຜ່ານມາວ່າ: ທາງການປັກກິ່ງປະກາດຍົກລະດັບເຕືອນໄພຈາກສີສົ້ມ ມາເແປັນສີແດງ ເຊິ່ງເປັນລະດັບສູງສຸດ ສຳລັບສະຖານະການຄື່ນຄວາມຮ້ອນແພ່ປົກຄຸມ ເຮັດໃຫ້ອຸນຫະພູມສູງເຖິງ 37-40 ອົງສາ ໃນຫລາຍພື້ນທີ່ຂອງປັກກິ່ງ ແລະ ຄາດວ່າອຸນຫະພູມຈະສູງຂຶ້ນອີກຈົນຮອດທ້າຍອາທິດນີ້.
ທ່ານ ຈາງ ຟາງຫົວ ຫົວໜ້າພະຍາກອນອາກາດ ລະບຸວ່າ ໃນອີກ 10 ວັນຕໍ່ໜ້າ ຫລາຍພື້ນທີ່ໃນຈີນ ຈະມີຄວາມສ່ຽງຫລຸດລົງລະດັບປານກາງ , ຂະນະທີ່ຄວາມຕ້ອງການໄຟຟ້າ ແລະ ພະລັງງານເພີ່ມສູງ ແລະ ກິດຈະກຳກາງແຈ້ງອາດຈະນຳໄປສູ່ ລົມແດດ ຈຶ່ງຄວນມີການປ້ອງກັນເພື່ອບໍ່ໃຫ້ເປັນລົມແດດ ແລະ ຮອງຮັບການຈັດຫາພະລັງງານ ພ້ອມແນະນຳໃຫ້ປະຊາຊົນ ເບິ່ງແຍງສຸຂະພາບຂະນະທີ່ເຮັດກິດຈະກຳກາງແຈ້ງ .