ລາວກຽມສົ່ງ 6 ກິລາບານສົ່ງຫາດເຊ ຮ່ວມຊີງແຊ໊ມອາຊຽນ ຄັ້ງທີ 29 ທີ່ປະເທດສິງກະໂປ ທ້າຍເດືອນນນີ້

ສະຫະພັນບານສົ່ງແຫ່ງ ຊາດລາວ (ສບລ) ກຽມສົ່ງ 6 ນັກກິລາບານສົ່ງຫາດ ຊາຍທີມຊາດລາວ, ໃນນັ້ນທີມ ຊາຍ 2 ທີມ ແລະ ທີມຍິງ 1 ທີມ ເຂົ້າຮ່ວມແຂ່ງຂັນຊີງໄຊ ແຊ໊ມອາຊຽນ ກິລາບານສົ່ງ ຫາດຊາຍ ຄັ້ງທີ 29 ທີ່ປະເທດ ສິງກະໂປ ລະຫວ່າງວັນທີ 28-30 ກັນຍານີ້.
ຕາມການເປີດເຜີຍຂອງ ທ່ານ ຮ້ອຍເອກ ທີບພົງພັດ ມະນີວົງ ຮອງເລຂາທິການທັງ ເປັນຫົວໜ້າຫ້ອງການສະຫະ ພັນບານສົ່ງແຫ່ງຊາດລາວ ໃນວັນທີ 13 ກັນຍາຜ່ານມາ ໃຫ້ຮູ້ວ່າ: ພາຍຫຼັງທີມີການກະ ກຽມຄວາມພ້ອມຄັດເລືອກ ນັກກິລາຜູ້ທີ່ມີພອນສະຫວັນດີ ເດັ່ນ ໃນໄລຍະ 2 ວັນ ຄື ລະ ຫວ່າງວັນທີ 19-20 ສິງຫາ ຜ່ານມາ ເຊິ່ງມີນັກກິລາທີ່ຮັບຮູ້ ການແຈ້ງເຊີນຂອງ ສບລ ເຖິງ ທົ່ວປະເທດສະມັກເຂົ້າຮ່ວມ 32 ທີມ ໃນນັ້ນສຳລັບທີມຊາດ ມີ 22 ທີມ ແລະ ທີມຍິງ 12 ທີມ ຜ່ານການແຂ່ງຂັນຄັດ ເລືອກສາມາດເລືອກເຟັ້ນໄດ້ ທັງໝົດ 6 ຄົນ, ຍິງ 2 ຄົນ ເຊິ່ງ ສ່ວນໃຫຍ່ເປັນນັກກິລາທີ່ມີປະສົບການ ແລະ ເຄີຍເຂົ້າຮ່ວມ ແຂ່ງຂັລະດັບພາກພຶ້ນ ແລະ ສາກົນ ມາຫຼາຍລາຍການ ມີ ພຽງນັກກິລາຍິງທີ່ມາຈາກຄຳມ່ວນນ້ອງໃໝ່ທີ່ແຈ້ງເກີດໃນ ງານກິລານັກຮຽນທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ ສາມາດຜ່ານ ການຄັດເລືອກ. ແນວໃດກໍດີ ປັດຈຸບັນນັກກິລາໄດ້ກະກຽມ ຄວາມພ້ອມ ເຝິກຊ້ອມຢ່າງ ເອົາໃຈໃສ່ ແລະ ຕັ້ງໜ້າທີ່ສະ ໜາມກິລາບານສົ່ງຫາດຊາຍ ມະຫາວິທະຍາໄລແຫ່ງຊາດ (ມຊ) ວິທະຍາເຂດ ດົງໂດກ ນະຄອນຫຼວງວຽງຈັນ ຈະ ເລີ່ມອອກເດີນທາງໃນວັນທີ 26 ກັນຍາ 2017 ແລະ ຈະ ແຂ່ງຕົວຈິງ 28-30 ກັນຍາ 2017 ຫຼັງຈາກນັ້ນ ໃນວັນທີ 1 ຕຸລາ 2017 ກໍຈະໄດ້ເດີນ ທາງກັບນະຄອນຫຼວງວຽງ ຈັນ.
ສຳລັບການເຂົ້າຮ່ວມ ແຂ່ງຂັນຊີງແຊ໊ມອາຊຽນ ກິ ລາບານສົ່ງຫາດຊາຍໃນຄັ້ງນີ້ ຈະສົ່ງຄະນະນຳ 2 ທ່ານ ຄື: ທ່ານ ສຸລິເຍດ ໄຊຍະເດດ ຮອງປະທານ ສບລ ແລະ ທ່ານ ປິໄຊ ສຸວັນໄຊ ຮອງປະ ທານ ສບລ ເປັນຫົວໜ້າຄະ ນະ, ທ່ານ ຮ້ອຍເອກ ທຳມະ ສິນ ພົງສະຫວັດ ແລະ ຮ້ອຍ ເອກ ຈິດສະໝອນ ສຸດທິປັນຍາ ເປັນຄູເຝິກ ສ່ວນນັກກິລາ 6 ຄົນ, ຍິງ 1 ທີມ ແລະ ຊາຍ 2 ທີມ ປະກອບມີ ທ້າວ ຄຳປ່ຽນ ສັນຍາລັກ ກອງທັບ+ທ້າວ ລິດ ໄຊຄຳມູນ ສະໂມສອນ ລາວ ສະກາຍເວ ແລະ ລາວ 2 ກໍມີ ທ້າວ ວັນທອງ ພົມມະນີ ແຂວງວຽງຈັນ+ວາທີ ທ້າວ ຈັນເພັງ ປັນຍາສີ ສະໂມສອນ ກອງທັບ.
ຂ່າວຈາກ:laosportnews.com.