ແຕ່ລະມື້ຄົນເຮົາຕ້ອງການນໍ້າຕານຫລາຍ-ໜ້ອຍປານໃດ?

ຄົນເຮົາຕ້ອງການນໍ້າຕານຫລາຍ ຫລື ໜ້ອຍ ແມ່ນຂຶ້ນກັບກິດຈະກໍາໃນແຕ່ລະມື້, ໄວອາຍຸ, ອາຊີບ ແລະ ພະຍາດຂອງແຕ່ລະຄົນ. ນອກຈາກນັ້ນອະໄວຍະວະແຕ່ລະສ່ວນກໍຕ້ອງການໃຊ້ນໍ້າຕານໃນປະລິມານທີ່ຕ່າງກັນ ເລີຍເຮັດໃຫ້ຄົນເຮົາໃຊ້ປະລິມານນໍ້າຕານໃນຮ່າງກາຍບໍ່ເທົ່າກັນ

.
ຄົນໃນເມື່ອກ່ອນເຮັດວຽກທີ່ໃຊ້ກໍາລັງເປັນສ່ວນໃຫຍ່ຈຶ່ງຕ້ອງກິນຫລາຍ ແຕ່ປັດຈຸບັນເຕັກໂນໂລຊີກ້າວໄກ ເຮັດໃຫ້ຫລາຍຄົນບໍ່ຄ່ອຍໄດ້ໃຊ້ແຮງງານພໍປານໃດ ຈຶ່ງຕ້ອງຫລຸດການກິນທາດແປ້ງລົງ ໂດຍສະເພາະ ເຂົ້າຫອມມະລິ, ເຂົ້າໜຽວ ທີ່ມີນໍ້າຕານຂ້ອນຂ້າງສູງ

.

ປັດຈຸບັນເຮົາສາມາດເບິ່ງຄ່ານໍ້າຕານຫລາຍ ຫລື ໜ້ອຍໄດ້ດ້ວຍຕົວເອງ ຈາກຄ່າດັດຊະນີນໍ້າຕານ (Glycemic Index: GI) ທີ່ເປັນໂຕບອກຄວາມສາມາດຂອງຮ່າງກາຍໃນການດູດຊຶມອາຫານຊະນິດຕ່າງໆໄດ້ເຊັ່ນ:

– GI ລະດັບຕໍ່າ ມີຄ່າລະຫວ່າງ 0-55

– GI ລະດັບປານກາງ ມີຄ່າລະຫວ່າງ 55-69

– GI ລະດັບສູງ ມີຄ່າລະດັບ 70 ຂຶ້ນໄປ

.

ໂດຍທົ່ວໄປ ແພດໄດ້ແນະນໍາໃຫ້ກິນອາຫານທີ່ມີ GI ຕໍ່າເຊິ່ງໄດ້ແກ່ ອາຫານທີ່ມີກາກໃຍສູງ ເຊັ່ນ: ຜັກໃບຂຽວທຸກຊະນິດ, ປະເພດພືດທັນຍາຫານ ແລະ ໝາກໄມ້ທີ່ຫວານໜ້ອຍ. ຫລີກລ່ຽງອາຫານ GI ສູງເຊັ່ນ: ອາຫານປະເພດແປ້ງ, ເຄັກ, ນໍ້າສົ້ມ, ເຂົ້າຫອມມະລິ ແລະ ອາຫານທີ່ຜະລິດຈາກໂຮງງານອຸດສາຫະກໍາ

.

ເພາະອາຫານທີ່ມີຄ່າ GI ຕໍ່າຈະຊ່ວຍຫລຸດຄວາມສ່ຽງຂອງພະຍາດຫົວໃຈ ແລະ ພະຍາດເສັ້ນເລືອດໃນສະໝອງອີກດ້ວຍ

.

ແນວໃດກໍຕາມການກິນນໍ້າຕານໃນປະລິມານທີ່ພໍດີ ຈະຊ່ວຍໃຫ້ຮ່າງກາຍຫລຸດຜ່ອນຄວາມສ່ຽງຕໍ່ການເກີດພະຍາດຕ່າງໆໄດ້

.

ຂໍ້ມູນຈາກ ແພດໝໍປະເທດໄທ