ຣຽວ ມາດຣິດ ວາງ ອາລອນໂຊ ສານຕໍ່ງານຜູ້ຈັດການ ອັນເຊລັອດຕິ ໃນປີ 2024
June 22, 2023 - 9:17 PM
ສື່ລາຍງານວ່າ ຣຽວ ມາດຣິ ໄດ້ວາງ ຊາບີ ອາລອນໂຊ ຜູ້ຈັດການທີມ ໄບເອີ ເລເວີຄູເຊັນ ໃຫ້ເຂົ້າມານັ່ງຕຳແໜ່ງຜູ້ຈັດການທີມຄົນໃຫມ່ແທນທີ່ ຄາໂລ ອັນເຊລັອດຕິ ທີ່ໃກ້ອຳລາທີມໃນປີ 2024.
ກ່ອນໜ້ານີ້ມີກະແສຂ່າວຢ່າງຫນັກວ່າ ອັນເຊລັອດຕິ ຈະຮັບງານຜູ້ຈັດການທີມຊາດບຣາຊິລຄົນໃຫມ່ຫລັງຈາກຫມົດສັນຍາກັບ ຣຽວ ມາດຣິດ ໃນໄລຍະກາງປີ 2024.
ຈົນຫລ້າສຸດ Bild ສື່ດັ່ງຊື່ດັງຂອງເຢຍລະມັນລະບຸວ່າ ເປີດເຜີຍວ່າ ຣຽວ ມາດຣິດ ໄດ້ວາງແຜນໃນການແຕ່ງຕັ້ງ ອາລອນໂຊ ໃຫ້ເຂົ້າມາເປັນຜູ້ຈັດການທີມຄົນໃຫມ່ຂອງທີມໃນປີ 2024.
ສຳລັບ ອາລອນໂຊ ອາຍຸ 41 ປີເຊິ່ງເຄີຍຫລິ້ນໃຫ້ກັບ ຣຽວ ມາດຣິດ ເມື່ອປີ 2009-2014 ສ້າງຜົນງານໃນການຄຸມ ເລເວີຄູເຊັນ ໄດ້ໂດດເດັ່ນດ້ວຍການພາທີມພິກສະຖານະການຈາກທີ່ຢູ່ເຂດຕົກຊັ້ນກັບມາຈົບອັນດັບ 6 ຂອງ ບຸນເດສລີກາ ເຢຍລະມັນ ພ້ອມເຂົ້າຮອບຮອງຊະນະເລີດຂອງບານເຕະຢູຟາ ຢູໂຣປາ ລີກ ແລະ ລາວກໍມີສັນຍາກັບ ເລເວີຄູເຊັນ ເຖິງເດືອນ 2024 ພໍດີ.
