ພາມາຮູ້ຈັກ ຄູ່ຮັກຄົນຍີ່ປຸ່ນ ທີ່ຍູ້ລໍ້ເກັບຂີ້ເຫຍື້ອໜັກ 250 Kg. ອອກເດີນທາງອ້ອມຍີ່ປຸ່ນ
ໂຊກິ ຢາບຸເນະ ອາຍຸ 33 ປີ ແລະ ນາງ ອາກິໂກະ ຟຸຄຸໂທໂຕະ ອາຍຸ 34 ປີ ຄູ່ຮັກຄົນຍີ່ປຸ່ນ ກັບພາລະກິດເດີນທາງອ້ອມປະເທດຍິ່ປຸ່ນ ພ້ອມກັບຍູ້ລໍ້ເຄື່ອງຈໍາເປັນສ່ວນຕົວໜັກ 250 Kg. ເຊິ່ງເປົ້າໝາຍພວກເຂົາແມ່ນການເດີນທາງອ້ອມປະເທດຍີ່ປຸ່ນ ພ້ອມກັບເກັບຂີ້ເຫຍື້ອຕາມຫົນທາງ ແລະ ແຍກປະເພດຂີ້ເຫຍື້ອໄວ້ ກ່ອນທີ່ຈະສົ່ງໃຫ້ໜ່ວຍງານແຕ່ລະທ້ອງຖິ່ນເພື່ອນໍາໄປກໍາຈັດຕໍ່
.
ເຊິ່ງຈຸເລີ່ມຕົນຂອງເລື່ອງລາວທັງໝົດນີ້ເກີດຈາກ ໂຊກິ (ຜູ້ເປັນຜົວ) ຕ້ອງການເດີນທາງອ້ອມປະເທດຍີ່ປຸ່ນ ຈຶ່ງໄດ້ຊວນ ອາກິໂກະ (ຜູ້ເປັນເມຍ) ອອກເດີນທາງເພື່ອເຮັດຕາມຄວາມຝັນທີ່ຕັ້ງໄວ້, ນອກນັ້ນ ໂຊກິ ຈຶ່ງໄດ້ສະເໜີໄອເດຍໃນການເດີນທາງຄັ້ງນີ້ ໂດຍເກັບຂີ້ເຫຍື້ອໄປພ້ອມ ເພື່ອອຸທິດຕົນຕໍ່ສັງຄົມເພາະບໍ່ຢາກເດີນທາງພຽງເພື່ອຄວາມພຶງພໍໃຈເທົ່ານັ້ນ ແຕ່ຢາກໃຫ້ເກີດປະໂຫຍດແກ່ສັງຄົມ
.
ທັງສອງຄົນໄດ້ເລີ່ມອອກເດີນທາງຈາກເມືອງນິຊິວາກິ ແຂວງ ຮຽວໂງະ ເມື່ອວັນທີ 2 ກຸມພາ ປີ 2022 ເຊິ່ງປັດຈຸບັນທັງສອງຄົນໄດ້ເດີນທາງອ້ອມຮອບຮ໋ອກໄກໂດແລ້ວ ແລະ ກັບເຂົ້າສູ່ເກາະຮອນຊູເປັນທີ່ຮຽບຮ້ອຍຕັ້ງແຕ່ເດືອນ ເມສາ ທີ່ຜ່ານມາ ແລະ ກໍາລັງມຸ່ງໜ້າໄປທາງໃຕ້ຈາກແຄມຝັ່ງມະຫາສະໝຸດປາຊີຟິກ ລວມເປັນໄລຍະທາງປະມານ 5,130 ກິໂລແມັດ ແລະ ຂີ້ເຫຍື້ອທີ່ເກັບໄດ້ໃນຂະນະທີ່ເດີນທາງຢູ່ນັ້ນປະມານ 3,7 ໂຕນ (ຂໍ້ມູນຫລ້າສຸດເມື່ອວັນທີ 4 ມິຖຸນາ)
.
ແນວໃດກໍຕາມສິ່ງທີ່ຄູ່ຮັກຄົນຍີ່ປຸ່ນນີ້ຫວັງໄວ້ຄືຕ້ອງການໃຫ້ສັງຄົມຄິດໄດ້ເຖິງການຖິ້ມຂີ້ເຫຍື້ອ ເພື່ອຫລຸດປະລິມານຂີ້ເຫຍື້ອໃນທຸກທີ່ ທີ່ພວກເຂົາຈະເດີນທາງໄປ ເຊິ່ງພວກເຂົາໄດ້ບອກວ່າ “ພວກເຮົາຈະຮູ້ສຶກຍິນດີເປັນຢ່າງຍິ່ງ ຖ້າທຸກຄົນຮັບຮູ້ເຖິງການເດີນທາງຂອງພວກເຮົາແລ້ວ ຈໍານວນຄົນຖິ້ມຂີ້ເຫຍື້ອຊະຊາຍຫລຸດລົງໃນບ່ອນທີ່ພວກເຮົາຈະໄປຮອດ ແລະ ຖ້າພວກເຮົາເດີນທາງຮອດເສັ້ນໄຊເມື່ອໃດ ກໍຢາກຈະຂັບລົດອ້ອມຍີ່ປຸ່ນອີກຄັ້ງ ເພື່ອຂອບໃຈທຸກຄົນທີ່ຊ່ວຍເຫລືອພວກເຮົາຈົນຮອດເສັ້ນໄຊ”
.
ທ່ານສາມາດຕິດຕາມທັງສອງໄດ້ຜ່ານທາງ Instagram
https://www.instagram.com/futari.aruki/
ແລະ Twitter
https://twitter.com/futari_aruki
.
ເຊິ່ງຈະມີການອັບເດດໄລຍະທີ່ພວກເຂົາທັງສອງເດີນທາງໄດ້ ແລະ ປະລິມານຂີ້ເຫຍື້ອທີ່ເກັບໄດ້ໃນແຕ່ລະມື້
ຂໍ້ມູນຈາກ: https://youtu.be/v4LLca4Yq5g
