ສື່ລາຍງານ ຄາໂລ ອັນເຊລັອດຕິ ໃກ້ໄດ້ນັ່ງຕຳແໜ່ງຜູ້ຈັດການທີມໃຫມ່ທີມຊາດບຣາຊິລປີ 2024
ບັນດາສື່ດັງເປີດເຜີຍກົງກັນວ່າ ຄາໂລ ອັນເຊລັອດຕິ ຜູ້ຈັດການທີມ ຣຽວ ມາດຣິດ ຈະຮັບຕຳແໜ່ງຜູ້ຈັດການທີມຊາດບຣາຊິລໃຫມ່ໃນໄລຍະປີ 2024.
ສຳລັບທີມຊາດບຣາຊິລ ສະແດງທ່າທີຈະແຈ້ງວ່າຕ້ອງການໃຫ້ ອັນເຊລັອດຕິ ເຂົ້າມາເປັນຜູ້ຈັດການທີມຄົນໃຫມ່ ເຊິ່ງກ່ອນໜ້ານີ້ ເອັດນັລໂດ ໂຣດຣີເກສ ປະທານສະມາຄົມບານເຕະບຣາຊິລ ກໍອອກມາຢືນຢັນໃນເລື່ອງດັ່ງກ່າວແລ້ວ.
ແນວໃດກໍຕາມຜູ້ຈັດການທີມອາຍຸ 64 ປີຍັງມີສັນຍາຢູ່ກັບ ຣຽວ ມາດຣິດ ເຖິງປີ 2024 ຫລື ຈົບລະດູການໜ້າ ແຕ່ ໂຣດຣີເກສ ລະບຸເພີ່ມຕື່ມວ່າ ບໍ່ປິດໂອກາດໃນການທີ່ຈະຖ້າ ອັນເຊລັອດຕິ ຈົນເຖິງຫມົດສັນຍາ.
ຈົນຫລ້າສຸດບັນດາສື່ດັ່ງກ່າວທັງ ໂກລໂບ, ທີເອັນທີ ແລະ ຢູໂອແອລ ລາຍງານກົງກັນວ່າ ຊີບີເອ ໄດ້ເລືອກ ອັນເຊລັອດຕິ ເປັນຜູ້ຈັດການທີມຊາດບຣາຊິລຄົນໃຫມ່ແຕ່ເນື່ອງຈາກຫາລືກັນໃຫມ່ເມື່ອວັນທີ 19 ມິຖຸນາ ແລ້ວ ຣຽວ ມາດຣິດ ຍັງບໍ່ຍອມປ່ອຍຕົວອະດີດຜູ້ຈັດການທີມ ເອຊີ ມິລານ ອອກຈາກທີມໃນຕອນນີ້ ເຮັດໃຫ້ຄາດວ່າ ອັນເຊລັອດຕິ ຈະຮັບງານຜູ້ຈັດການທີມໃຫມ່ຂອງທີມ ບຣາຊິລ ຫລັງຫມົດສັນຍາກັບ ຣຽວ ມາດຣິດ ໄລຍະກາງປີ 2024 ເປັນຕົ້ນໄປ.
ທັງນີ້ມີການຄາດວ່າ ຊີບີເອຟ ຈະອອກມາປະກາດເລື່ອງການຄຸມທີມຊາດບຣາຊິລ ຂອງ ອັນເຊລັອດຕິ ໃນໄລຍະຕົ້ນປີ 2024.
