ແມນຢູ ກຽມຍື່ນ 45 ລ້ານປອນໃຫ້ ເອຟເວີຕັນ ເພື່ອປ່ອຍ ຈໍແດນ ພິກຟອດ ມາຮ່ວມທີມ ຫລັງອະນາຄົດ ເດ ເຄອາ ບໍ່ແນ່ນອນ
ແມນເຊັສເຕີ ຢູໄນເຕັດ ກຽມຈ່າຍເງິນ 45 ລ້ານປອນ ໃຫ້ ເອຟເວີຕັນ ເພື່ອພິຈາລະນາຂາຍ ຈໍແດນ ພິກຟອດ ຍ້າຍມາຫລິ້ນໃຫ້ກັບ “ຜີສາດແດງ” ຫລັງຈາກທີ່ອະນາຄົດຂອງ ດາວິດ ເດ ເຄອາ ຍັງບໍ່ແນ່ນອນ.
ຕອນນີ້ ແມນເຊັສເຕີ ຢູໄນເຕັດ ກໍາລັງປະເຊີນກັບບັນຫາໃຫຍ່ພໍສົມຄວນ ເນື່ອງຈາກ ເດ ເຄອາ ຍັງປະຕິເສດທີ່ຈະເຊັນສັນຍາຕໍ່ສັນຍາສະບັບໃໝ່. ທີ່ຈະໝົດລົງໃນວັນທີ 30 ມິຖຸນານີ້, ເຊິ່ງຫລ້າສຸດບໍ່ມີຊື່ລາວນັກເຕະທີ່ຈະຕໍ່ສັນຍາສະບັບໃໝ່ກັບທີມ ເຊິ່ງຫາກໍ່ປະກາດເມື່ອວັນສຸກທີ່ຜ່ານມາ. ຍິ່ງເຮັດໃຫ້ຂ່າວການຍ້າຍທີມເບິ່ງມີຄວາມຈິງຫລາຍຂຶ້ນ.
ຊ່ວງທີ່ຜ່ານມາ, ສະໂມສອນໄດ້ພະຍາຍາມເຈລະຈາກັບ ເດ ເຄອາ ແລະ ຕົວແທນຂອງລາວກ່ຽວກັບສັນຍາສະບັບໃຫມ່. ແຕ່ມີເງື່ອນໄຂວ່າເຂົາຕ້ອງຫລຸດຄ່າຈ້າງປັດຈຸບັນ 375,000 ປອນ ຕໍ່ອາທິດມາເປັນ 200,000 ປອນ ຕໍ່ອາທິດ.
ຈາກສະຖານະການດັ່ງກ່າວ, “ຜີສາດແດງ” ຕ້ອງຫາທາງອອກຢ່າງຮີບດ່ວນ ໂດຍ “ເດິ ໄມເຣີ” ສື່ຊື່ດັງຂອງອັງກິດ. ລາຍງານວ່າ, ພວກເຂົາເຈົ້າໄດ້ລັອກເປົ້າ ພິກຟອດ ເພື່ອເຂົ້າມາສືບຕໍ່ນັກຮັບຊາວແອສປາໂຍນ ແລະ ພ້ອມທີ່ຈະສະເຫນີ 45 ລ້ານປອນ “ທອຟຟີ ສີຟ້າ” ພິຈາລະນາປ່ອຍຕົວມາເຝົ້າເສົາໃນຖິ່ນ ໂອລ ແທຣຟຟອດ.
