ແມນຊິຕີ ກຽມສົ່ງນັກເຕະສ່ວນເກີນບວກເງິນ ຫວັງປາດໜ້າ ອາເຊນອລ ຄວ້າ ດີແຄລນ ໄຣ

ແມນເຊສເຕີ ຢູໄນເຕັດ ສະໂມສອນມະຫາອຳນາດແຫ່ງ ພຣີເມຍລີກ ອັງກິດ ພວມພິຈາລະນາໃນການຍື່ນຂໍ້ສະເໜີເປັນເງິນບວກກັບນັກເຕະ 1 ຄົນໃນການຄວ້າຕົວ ດີແຄລນ ໄຣ ກອງກາງຫົວໜ້າທີມ ເວສແຮມ ຢູໄນເຕັດ ໄປເສີມທີມໃນລະດູການນີ້.

ຕະຫລອດໄລຍະທີ່ຜ່ານມາ ດາວເຕະທີມຊາດອັງກິດ ອາຍຸ 24 ປີ ຕົກເປັນຂ່າວພົວພັນກັບຫລາຍສະໂມສອນດັງຫລາຍທີມເຊັ່ນ : ອາເຊນອລ, ແມນເຊສເຕີ ຢູໄນເຕັດ ແລະ ບາເຢິນ ມິວນິກ ແຕ່ຫລ້າສຸດ ແມນເຊສເຕີ ຊິຕີ ກາຍເປັນອີກທີມສະແດງຄວາມສົນໃຈໃນຕົວ ໄຣ ເຊັ່ນດຽວກັນ.

ເປບ ກວາດີໂອລາ ຜູ້ຈັດການທີມແມນຊິຕີ ກຽມເຈລະຈາ ຄະນະບໍລິຫານໃຫ້ຄວ້າຕົວ ໄຣ ມາຫລິ້ນໃນຖິ່ນ ເອຕິຮັດ ໃຫ້ໄດ້ ໂດຍພ້ອມຈະໃສ່ຊື່ ຄາລອສ ບໍເກສ ປີກດາວຮຸ່ງຊາວໂປຣຕຸເກສອາຍຸ 19 ປີ ຢູ່ໃນສ່ວນໜຶ່ງຂອງສັນຍາໃຫ້ ເວສແຮມ ພິຈາລະນານຳອີກ.

ຂະນະດຽວກັນ ທາງ ເວສແຮມ ຍອມຮັບແລ້ວວ່າ ໄຣ ຈະຍ້າຍອອກໄປໃນໄລຍະລະດູການນີ້ ເຊິ່ງເຮັດໃຫ້ ເດວິດ ມອຍ ຜູ້ຈັດການທີມ ຈຳນຳເງິນຄ່າຕົວທີ່ໄດ້ນັ້ນໄປຄວ້າຕົວກອງກາງລາຍໃຫມ່ເຂົ້າມາທົດແທນ ແຕ່ສຳລັບ ບໍເກສ ທີ່ເປັນກອງໜ້ານັ້ນ ອາດຈະບໍ່ຢູ່ໃນລາຍການທີ່ຕ້ອງການ.

ສຳລັບ ໄຣ ຍັງເຫລືອສັນຍາກັບ ເວສແຮມ ພຽງປີດຽວ ແລະ ຖືກຕັ້ງຄ່າຕົວໄວ້ສູງເຖິງ 100 ລ້ານປອນ.