ສະເປນ ແມ໋ນລູກໂທດປາບ ໂຄຣເອເຊຍ ຄວ້າແຊ໊ມຢູຟາ ເນຊັນ ລີກ ສະໄຫມທຳອິດ

ສະເປນຄວ້າແຊ໊ມ ຢູຟາ ເນຊັນ ລີກ ໄປຄອງສະໄຫມທຳອິດ ຫັງສູ້ກັບໂຄຣເອເຊຍແບບຍືດເຍື້ອເຖິງ 120 ນາທີບໍ່ຮູ້ຜົນຊະນະ ກ່ອນ ສະເປນ ຈະແມ໋ນໂທດໃນການຍິງລູກໂທດເອົາຊະນະໄດ້ສຳເລັດ.

ການແຂ່ງຂັນບານເຕະຢູຟາ ເນຊັນ ລີກ 2022-23 ຮອບຊີງແຊ໊ມ ທີ່ເນເທີແລນ ເມື່ອວັນທີ 18 ມິຖຸນາ ນັດຊີງຊະນະເລີດ ລະຫວ່າງ ໂຄຣເອເຊຍ ພົບກັບ ສະເປນ ຮອງແຊ໊ມເກ່ົາລະດູການຜ່ານມາ ເຕະທີ່ສະໜາມສະຕາດີໂອນ ເຟເຢນູດ ເມືອງຣ໊ອດເຕີດຳ.

ໂດຍເກມໃນເຄິ່ງເວລາທຳອິດເປັນໄປຢ່າງສູສີ ແຕ່ຍັງບໍ່ມີປະຕູເກີດຂຶ້ນ ສະເຫມີກັນຢູ່ 0-0.

ເຂົ້າສູ່ເຄິ່ງຫລັງ ຮູບເກມຍັງຄົງສະໜຸກສູສີ ຕ່າງຝ່າຍຕ່າງມີໂອກາດພໍໆກັນ ແຕ່ສຸດທ້າຍກໍຍັງບໍ່ມີປະຕູເກີດຂຶ້ນ ຈົບ 90 ນາທີສະເຫມີ 0-0 ຕ້ອງຍິງລູກໂທດຕັດສິນແຊ໊ມ.

ໃນການຍິງລູກໂທດນັ້ນ ຜົນປາກົດວ່າ 5 ຄົນທຳອິດພາດໄປຝ່າຍລະຄົນ ໂດຍ ໂຄຣເອເຊຍ ຄົນທີ່ພາດ ເປັນ ລາຟໂຣ ເມເຢີ ທີ່ຍິງເປັນຄົນທີ 4 ຂະນະທີ່ ສະເປນ ຄົນທີ່ພາດຄື ອາຍເມີຣິກ ລາປອກ ທີ່ຍິງເປັນຄົນທີ 5 ສົ່ງຜົນໃຫ້ຕ້ອງຍິງກັນຕໍ່ແບບລູກຕໍ່ລູກ ຜົນປາກົດວ່າ ບຣູໂນ ເພຕໂຄວິດ ຂອງ ສະເປນ ຍິງໄປຕິດປ້ອງກັນຂອງ ອູໄນ ຊິມອນ ຂະນະທີ່ ດານີ ກາບາຄາລ ກອງຫລັງສະເປນ ຍິງແບບ ປາເນນກາ ເປັນປະຕູເໜືອຊັ້ນ ສົ່ງຜົນໃຫ້ ສະເປນ ເອົາຊະນະໃນການຍິງລູກໂທດ 5-4 ຄວ້າແຊ໊ມໄປຄອງໄດ້ສຳເລັດ.