ຄັ້ງທຳອິດໃນປະຫວັດສາດ ທີມຊາດບຣາຊີວ ໃສ່ຊຸດສີດຳສະໜັບສະໜຸນວິນີຊິອຸສ ຕ້ານການຫຍຽດຜິວ
ທີມຊາດບຣາຊິວ ໃສ່ຊຸດດຳລົງແຂ່ງເປັນຄັ້ງທຳອິດໃນປະຫວັດສາດ. ໃນເກມອຸ່ນເຄື່ອງທີ່ເອົາຊະນະຕໍ່ກີນີໄປຢ່າງຂາດລອຍ 4-1 ຊຶ່ງເປັນສ່ວນໜຶ່ງໃນຂະບວນການຕໍ່ຕ້ານການແບ່ງແຍກສີຜິວໃນຄືນວັນເສົາທີ່ຜ່ານມາ.
ທັບແຊ໊ມບ້າໃສ່ຊຸດສີດຳລົງສະໜາມ ແລະ ມີການຄຸກເຂົ່າຢ່າງສະຫງົບກ່ອນເກມປະມານ 1 ນາທີ ໂດຍມີປ້າຍຢູ່ສະໜາມສະແດງຂໍ້ຄວາມລະບຸ “ດ້ວຍການຫຍຽດຜິວ ຈະບໍ່ມີການແຂ່ງຂັນບານເຕະ” ເພື່ອເປັນການປະທ້ວງໃນສິ່ງທີ່ວິນີຊິອຸສ ກອງໜ້າບຣາຊີວ ແລະ ເຣອັລ ມາດຣິດ ພົບໃນເກມກັບບາເລນເຊຍ ເມື່ອເດືອນພຶດສະພາທີ່ຜ່ານມາ.
ໃນເກມດັ່ງກ່າວ ວິນີຊິອຸສ ວິນີຊິອຸສສະແດງຄວາມຄິດເຫັນທາງສື່ສັງຄົມວ່າ ລາລີກາເປັນລີກແຫ່ງການຫຍຽດຜິວ. ເພາະລາວເຄີຍພົບເຫດການແບບນີ້ມາຫລາຍເທື່ອ. ຈົນມີສຽງວິພາກວິຈານຫລາຍ.
ຫລ້າສຸດ, FIFA ໄດ້ແຕ່ງຕັ້ງໃຫ້ ວິນີຊິອຸສ ເປັນຄະນະກຳມະການຕ້ານການແບ່ງແຍກສີຜິວ ເພື່ອໃຫ້ລາວໄດ້ອອກຄວາມເຫັນກ່ຽວກັບການແກ້ໄຂບັນຫານີ້.
