ເມສຊີ ເປີດເຜີຍມີຄວາມສຸກກັບການຕັດສິນໃຈ ພ້ອມສຳລັບກ້າວຕໍ່ໄປ

ລີໂອເນລ ເມສຊີ ດາວຍິງທີມຊາດອາເຈນຕີນາ ອອກມາເປີດເຜີຍວ່າ ຮູ້ສຶກມີຄວາມສຸກກັບການຕັດສິນໃຈ ຫລັງກຽມຍ້າຍໄປຫລິ້ນໃຫ້ກັບ ອິນເຕີ ໄມອາມີ ສະໂມສອນໃນ ເມເຈີ ລີກ ຊັອກເກີ ສະຫະລັດອາເມລິກາ.

ເມສຊີ ພວມຈະຫມົດສັນຍາກັບ ປາຣີສ ແຊັງ ແຊັກແມັງ ຕົ້ນສັງກັດໃນ ລີກ ເອິງ ຝຣັ່ງ ໃນວັນທີ 30 ມິຖຸນານີ້ ຫລັງຈາກຮ່ວມງານກັນໄດ້ເປັນໄລຍະເວລາ 2 ປີ ແລະ ກ່ອນໜ້ານີ້ມີການເປີດເຜີຍອອກມາແລ້ວວ່າລາວໄດ້ຕັດສິນໃຈຍ້າຍໄປຫລິ້ນໃຫ້ກັບ ອິນເຕີ ໄອອາມີ ສະໂມສອນດັງຂອງ ເມເຈີ ລີກ ຊັອກເກີ ສະຫະລັດ ອາເມລິກາ ທີ່ມີ ເດວິດ ແບັກແຮມ ຕຳນານນັກເຕະທີມຊາດອັງກິດ ເປັນເຈົ້າຂອງສະໂມສອນໃນລະດູການໜ້າ ເຖິງວ່າກ່ອນໜ້ານີ້ຈະມີກະແສເຊື່ອມໂຍງກັບທີມເກ່ົາຢ່າງບາເຊໂລນາ ລວມໄປເຖິງປະເດັນການໄດ້ຮັບຄວາມສົນໃຈຈາກສະໂມສອນດັງໃນ ຊາອຸດິ ອາຣະເບຍ ທີ່ພ້ອມຈະຈ່າຍເງິນມະຫາສານໃຫ້ລາວ.

ຫລ້າສຸດ ເມສຊີ ໄດ້ໃຫ້ສຳພາດກັບ ທີວີ ພູບລິກາ ກ່ຽວກັບຄວາມຮູ້ສຶກທີ່ພວມຈະໄດ້ໄປຫລິ້ນໃນສະຫະລັດ ອາເມລິກາ ວ່າ : “ ຂ້ອຍພໍໃຈໃນຕອນທຳອິດ ເຮົາມີອີກຫນຶ່ງຄວາມສຸກກັບການຕັດສິນໃຈທີ່ເຮົາໄດ້ເລືອກ ຂ້ອຍພ້ອມ ແລະ ຕື່ນເຕັ້ນທີ່ຈະໄດ້ພົບກັບຄວາມທ້າທາຍອີກຄັ້ງໃຫມ່ນີ້ ນີ້ຄືການປ່ຽນແປງ ”.

“ ການຕັດສິນໃຈຖືເປັນກ້າວທີ່ສຳຄັນ ແຕ່ໃນເວລາດຽວກັນ ຂ້ອຍກໍໄດ້ຮັບຮູ້ວ່າມັນມີຄວາມຫມາຍກັບສິ່ງທີ່ຂ້ອຍພວມເຮັດຢູ່ ຂ້ອຍມີຄວາມສຸກ ” ເມສຊີ ກ່າວ.