ຂະແໜງການກະສິກຳ ອິນໂດເນເຊຍ ຈະໄດ້ຮັບຜົນກະທົບຢ່າງໜັກ ຈາກແອລນີໂຢ

ສຳນັກຂ່າວຊິນຮວາ ລາຍງານຈາກນະຄອນຫລວງຈາກາຕາ ປະເທດ ອິນໂດເນເຊຍ ໃນວັນທີ 15 ມິຖຸນາ 2023 , ກະຊວງກະສິກຳ ອິນໂດເນເຊຍ ຄາດການວ່າ: ສະພາບອາກາດຮ້ອນຮຸນແຮງ ເກີດຈາກປาກົດການ ແອລນິໂຢ ຈະສົ່ງຜົນກະທົບຕໍ່ ພື້ນທີ່ກະສິກຳ ພາຍໃນປະເທດຫລາຍເຖິງ 870.000 ເຮັກຕາ ເນື່ອງຈາກ ພື້ນທີ່ດັ່ງກ່າວພວມຜະເຊີນກັບ ໄພແຫ້ງແລ້ງ ແລະ ມີຜົນຜະລິດຕໍ່າ. ກ່ອນໜ້ານີ້ ສຳນັກງານ ອຸຕຸນິຍົມ ວິທະຍາ ແລະ ທໍລະນີ ຟີຊິກ ຂອງ ອິນໂດເນເຊຍ ຄາດການວ່າ ປະເທດນີ້ ຈະຜະເຊີນກັບ ປະກົດການ ດັ່ງກ່າວ ໃນໄລຍະ 6 ເດືອນທ້າຍປີນີ້ ແລະ ຈະມີຄວາມຮຸນແຮງຢ່າງໜັກ ໃນເດືອນ ສິງຫາ ທີ່ຈະມາເຖິງ. ສະນັ້ນ ເພື່ອຫລຸດຜ່ອນ ຜົນກະທົບເຊິງລົບ ແລະ ຮັກສາຂີດຄວາມສາມາດ ໃນການຜະລິດອາຫານ, ລັດຖະບານ ອິນໂດເນເຊຍຈະວາງແຜນ ໃນພື້ນທີ່ມີຄວາມສ່ຽງ ເກີດໄພແຫ້ງແລ້ງ ເພື່ອເລັ່ງການປູກ ແລະ ເກັບກ່ຽວ ໃນໄລຍະ ທີ່ມີຝົນຕົກ ແລະ ອື່ນໆ