ເມືອງສາມັກຄີໄຊ ອອກຄຳສັ່ງເລື່ອງການແກ້ໄຂບັນຫາສັດລ້ຽງທີ່ປ່ອຍຊະຊາຍໃນເທສະບານເມືອງ

ເມືອງສາມັກຄີໄຊ ແຂວງ ອັດຕະປື​ ອອກຄຳສັ່ງ​ ເລກທີ​ 02/ຈມສຊ, ລົງວັນທີ​ 22​ ພຶດສະພາ​ 2023​ ເລື່ອງ: ການແກ້ໄຂບັນຫາສັດລ້ຽງ​ (ປະເພດ ແບ້, ງົວ ແລະ ຄວາຍ) ທີ່ປ່ອຍຊະຊາຍໃນເທສະບານເມືອງ, ເພື່ອເຮັດໃຫ້ມີຄວາມສະອາດຈົບງາມ ແລະ ຄວາມເປັນລະບຽບຮຽບຮ້ອຍພາຍໃນເທສະບານເມືອງ ສາມັກຄີໄຊ​ ເຈົ້າເມືອງອອກຄຳສັ່ງ:

1. ຄອບຄົວໃດຫາກມີສັດລ້ຽງ, ມີພື້ນທີ່ເໝາະສົມ, ມີຄອກກັກຂັງ ແມ່ນໃຫ້ຈຳກັດຂອບເຂດບໍລະເວນ

ສັດລ້ຽງຂອງຕົນໂດຍບໍ່ໃຫ້ອອກໄປສ້າງຄວາມເສຍຫາຍຕໍ່ເຂດສາທາລະນະ ຫຼື ສ່ວນບຸກຄົນອື່ນເດັດຂາດ.

2. ຄອບຄົວໃດຫາກມີສັດລ້ຽງແຕ່ບໍ່ມີພື້ນທີ່ເໝາະສົມ, ບໍ່ມີຄອກກັກຂັງ, ປ່ອຍປະລະເລີຍ ແລະ ສ້າງຄວາມເສຍຫາຍຕໍ່ເຂດສາທາລະນະ ຫຼື ສ່ວນບຸກຄົນອື່ນແມ່ນໃຫ້ເຄື່ອນຍ້າຍສັດດັ່ງກ່າວອອກພາຍໃນກໍານົດເວລາ 15 ວັນ, ເລີ່ມແຕ່ວັນອອກຄຳສັ່ງສະບັບນີ້ເປັນຕົ້ນໄປ.
3. ຖ້າຫາກຄອບຄົວໃດຝ່າຝືນແມ່ນທາງ ອົງການຈັດຕັ້ງທີ່ກ່ຽວຂ້ອງ ຈະໄດ້ຮ່ວມກັບອຳນາດການປົກຄອງບ້ານດຳເນີນການສຶກສາອົບຮົມ, ປັບໃໝ, ຫຼື ຢຶດສັດລ້ຽງດັ່ງກ່າວຕາມລະບຽບການ.