ໃນທີ່ສຸດກໍໄດ້ຄໍາຕອບລະຫວ່າງ ໄກ່ ກັບ ໄຂ່ ອັນໃດເກີດກ່ອນ

ເປັນທີ່ຖົກຖຽງກັນມາດົນພໍສົມຄວນລະຫວ່າງ ໄກ່ ກັບ ໄຂ່ ອັນໃດເກີດກ່ອນ, ຫລ້າສຸດໄດ້ມີການວິໄຈອອກມາແລ້ວວ່າ ໄຂ່ ເກີດກ່ອນ ໄກ່

.

ທີມນັກວິທະຍາສາດຈາກ School of Earth Sciences ແຫ່ງມະຫາວິທະຍາໄລ Bristol ປະເທດອັງກິດ ບອກວ່າໄຂ່ເກີດຂຶ້ນໂດຍບັນພະບຸລຸດໄດໂນເສົາຂອງໄກ່ ເມື່ອຫລາຍລ້ານປີກ່ອນ ກ່ອນທີ່ຈະມີການວິວັດທະນາການມາເປັນໄກ່

.

ຕາມບົດສະຫລຸບຂອງທີມນັກວິໄຈນີ້ໝາຍເຖິງໄຂ່ທີ່ເປັນບັນພະບຸລຸດຂອງໄກ່ເກີດກ່ອນນັ້ນເອງ ສະແດງວ່າໄຂ່ທີ່ນັກວິໄຈເວົ້າເຖິງນັ້ນອາດເປັນໄຂ່ຂອງສັດຊະນິດອື່ນກໍທີ່ບໍ່ແມ່ນໄກ່ ກ່ອນທີ່ຈະກາຍພັນມາເປັນໄກ່

.

ແນວໃດກໍຕາມມີການຄົ້ນພົບເພີ່ມເຕີມທີ່ເຮັດໃຫ້ເຈັບຫົວຂຶ້ນໄປອີກຄື ພວກເຂົາພົບວ່າບັນພະບູລຸດຂອງສັດເລືອຄານຍຸກຕົ້ນໆ (ທີ່ມີມາດົນກ່ອນຈະມີໄດໂນເສົາ) ອາດຈະບໍ່ໄດ້ອອກລູກເປັນໄຂ່

.

ນອກຈາກມະຫາວິທະຍາໄລ Bristol ແລ້ວຍັງມີວິທະຍາໄລຈາກຈີນອອກມາບອກວ່າ: ສັດກຸ່ມນີ້ (ໄກ່) ຈະມີການຖືພາກ່ອນທີ່ຈະເກີດ ເຊິ່ງພວກມັນຈະເກີດລູກເປັນໂຕ ບໍ່ແມ່ນເປັນໄຂ່ ເພາະຕອນນັ້ນເກີດລູກເປັນໂຕປອດໄພກ່ວາການວາງໄຂ່

.

ແລ້ວໄກ່ອອກລູກເປັນໂຕ?

.

ຈາກທີ່ແອັດມິນໄດ້ສຶກສາ ແລະ ຮວບຮວມມາແລ້ວສາມາດສະຫລຸບໄດ້ຄື: ໄຂ່ ມີມາກ່ອນ ໄກ່ ເຊິ່ງເກີດຈາກໄຂ່ໄດໂນເສົາທີ່ເປັນບັນພະບູລຸດຂອງໄກ່, ສ່ວນໄຂ່ໄກ່ ກັບ ໄກ່ ນັ້ນ ເຄີຍມີບົດວິໄຈອອກມາບອກວ່າ ໄຂ່ໄກ່ ນັ້ນມີພຽງໄກ່ເທົ່ານັ້ນທີ່ສາມາດສ້າງໄດ້ ເພາະໂປຣຕິນທີ່ສາມາດສ້າງໄຂ່ໄກ່ໄດ້ນັ້ນມີແຕ່ໃນແມ່ໄກ່

.

ສະແດງວ່າ ລະຫວ່າງ “ໄກ່” ກັບ “ໄຂ່ໄກ່” ແມ່ນ ໄກ່ເກີດກ່ອນ, ສ່ວນ ໄຂ່ ກັບ ໄກ່ ແມ່ນໄຂ່ມີມາກ່ອນໄກ່ (ໄຂ່ໃນທີ່ນີ້ໝາຍເຖິງໄຂ່ທີ່ເປັນບັນພະບູລຸດຂອງໄກ່ ກ່ອນທີ່ຈະກາຍພັນເປັນໄກ່)

.

ອ່ານແລ້ວໄດ້ຂໍ້ສະຫລຸບແນວໃດ ມາຄອມເມັ້ນບອກກັນ!!

ແຫລ່ງຂໍ້ມູນ

– https://www.unilad.com/news/chicken-egg-came-first-science-debate-293709-20230614?fbclid=IwAR1qTKgSV4-4uFwXM3esanxW6lLwjzr4Y9FdNiMbg31qaJPs8l_u0oFmvH0

–  http://edition.cnn.com/2010/WORLD/europe/07/14/england.chicken.egg.riddle/

– https://www.thairath.co.th/lifestyle/life/2692098