ຣຽວ ມາດຣິດ ເປີດຕົວ ເບລລິງແຮມ ຮ່ວມທີມຢ່າງເປັນທາງການ ໃສ່ເສື້ອເບີ 5 ສານຕຳນານ ຊີດານ

ຣຽວ ມາດຣິດ ຖະແຫລງຂ່າວເປີດຕົວ ຈູດ ເບລລິງແຮມ ກອງກາງທີມຊາດອັງກິດມາຮ່ວມທີມຢ່າງເປັນທາງການ ໂດຍນັກເຕະຈະໃສ່ເສື້ອເບີ 5 ເຊິ່ງເປັນເບີດຽວກັບ ຊີເນດິນ ຊີດານ ຕຳນານສະໂມສອນ.

ໂດຍເມື່ອວັນທີ 14 ມິຖູນາ ຣຽວ ມາດຣິດ ປະກາດຢ່າງເປັນທາງການວ່າພວກເຂົາປິດການຊື້ຂາຍຄວ້າຕົວ ເບລລິງແຮມ ມາຈາກ ໂບຣຸສເຊຍ ດອດມຸນ ດ້ວຍຄ່າຕົວ 103 ລ້ານຢູໂຣ ບວກກັບເງິນສ່ວນເສີມອີກສູງສຸດເຖິງ 30% ຂອງຄ່າຕົວ ເຊິ່ງນັກເຕະຈະເຊັນສັນຍາກັບທີມເປັນເວລາ 6 ປີ ຫລື ເຖິງປີ 2029.

ຫລ້າສຸດເມື່ອວັນທີ 15 ມິຖຸນາ ໄດ້ມີງານເປີດຕົວດາວເຕະອາຍຸ 19 ປີລາຍນີ້ຢ່າງເປັນທາງການທີ່ສະໜາມ ຊານຕີອາໂກ ເບນາເບລ  ພ້ອມມີການເຜີຍເບີເສື້ອຂອງ ເບລລິງແຮມ ກັບ ຣຽວ ມາດຣິດ ນັ້ນຄືເບີ 5 ເຊິ່ງເປັນເບີເກ່ົາຂອງ ຊີເນດິນ ຊີດານ ອະດີດກອງກາງທີມຊາດຝຣັ່ງ ເຊິ່ງເປັນຕຳນານສະໂມສອນ.

ຫລັງການຍ້າຍທີມ ເບລລິງແຮມ ໃຫ້ສຳພາດວ່າ : “ ເຫດຜົນທີ່ຂ້ອຍເວົ້າວ່າມັນເປັນວັນທີ່ໜ້າພາກພູມໃຈທີ່ສຸດໃນຊີວິດຂອງຂ້ອຍ ກໍເພາະວ່າຢ່າງທີ່ຂ້ອຍເວົ້າໄປແລ້ວ ນີ້ຄືສະໂມສອນເຕະທີ່ຍິ່ງໃຫຍ່ທີ່ສຸດໃນປະຫວັດສາດຂອງວົງການມີນັກເຕະບໍ່ມີຄົນທີ່ມີໂອກາດຫລິ້ນໃຫ້ກັບສະໂມສອນທີ່ສຸດຍອດ ສະໂມສອນແຫ່ງປະຫວັດສາດ ດັ່ງນັ້ນ ຂ້ອຍຈຶ່ງຮູ້ສຶກຂອບໃຈແທ້ ”.

“ ແລະ ຢ່າງທີ່ຂ້ອຍກ່າວນັ້ນ ຂ້ອຍຮູ້ສຶກຂອບໃຈຜູ້ຄົນທີ່ພາຂ້ອຍມາບ່ອນນີ້ ແລະ ໃຫ້ໂອກາດຂ້ອຍໄດ້ຫລິ້ນໃຫ້ກັບທີມນີ້ ສ່ວນການເລືອກເສື້ອເບີ 5 ນັ້ນ ມັນເປັນການສະແດງຄວາມເຄົາລົບຕໍ່ຜູ້ຫລິ້ນຄົນຫນຶ່ງທີ່ຂ້ອຍຊື່ນຊົມຕັ້ງແຕ່ເຕີບໂຕ (ຊີດານ) ເປັນຜູ້ຫລິ້ນທີ່ສຸດ ດີທີ່ສຸດ ແຕ່ຂ້ອຍພວມພະຍາຍາມມີເສັ້ນທາງຂອງຕົນເອງ ແລະ ຂະຫຍາຍມໍລະດົກຂອງເບີເສື້ອແທນທີ່ຈະພະຍາຍາມເຂົ້າເຖິງລາວ ”.