ເມສຊີ່ ຢືນຢັນ ຈະບໍ່ຫລິ້ນບານໂລກ ຄັ້ງຕໍ່ໄປແລ້ວ

ລີໂອເນວ ເມສຊີ່ ຈອມທັບຄົນເກັ່ງຂອງທີມຊາດອາເຈນຕິນາ ຢືນຢັນວ່າຈະບໍ່ລົງຫລິ້ນໃນເຕະບານໂລກຄັ້ງຕໍ່ໄປແລ້ວ.

ດາວຍິງອາຍຸ 35 ປີ ເປັນກຳລັງສຳຄັນທີ່ນຳພາກອງທັບຟ້າຂາວ ຄວ້າແຊ້ມບານໂລກ 2022 ເຊິ່ງລາວຊີ້ວ່ານີ້ເປັນແຊ້ມທີ່ຍິ່ງໃຫຍ່ທີ່ສຸດໃນຊີວິດຂອງລາວ. ແລະ ຄົງຄິດວ່າມັນຈະເປັນຄັ້ງສຸດທ້າຍແລ້ວສຳລັບລາວ.

“ຈິງແລ້ວ ຂ້າພະເຈົ້າໄດ້ເວົ້າມັນສອງສາມເທື່ອແລ້ວ. ບານໂລກຄັ້ງທີ່ຜ່ານມາແມ່ນບານໂລກຄັ້ງສຸດທ້າຍຂອງຂ້ອຍ,” ເມສຊີ່ ກ່າວກັບ Titan Sports.

“ຕອນນີ້ລໍຖ້າເບິ່ງວ່າ ສິ່ງຕ່າງໆຈະອອກມາແນວໃດ. ແຕ່ໃນຫລັກການແລ້ວ ຂ້ອຍບໍ່ຄິດວ່າຂ້ອຍຈະຫລີ້ນໃນເຕະບານໂລກຄັ້ງຕໍ່ໄປ.”