ໃກ້ສຳເລັດ! ອາເຊນອລ ກຽມທຸບສະຖິຕິ ຄ່າໂຕ 100 ລ້ານປອນຊື້ ດີແຄນ ໄຣສ໌
June 13, 2023 - 1:00 PM
ອາເຊນອລ ກຽມປິດຂໍ້ສະເໜີ ດີແຄນ ໄຣສ໌ ດ້ວຍຄ່າໂຕ 100 ລ້ານປອນ ເຊິ່ງຖືເປັນສະຖິຕິໃໝ່ຂອງສະໂມສອນ, ອີງຕາມການລາຍງານຂອງ The Guardian.
ກອງກາງອາຍຸ 24 ປີ ເປັນເປົ້າໝາຍຫລັກຂອງປືນໃຫຍ່ໃນການເສີມທີມໃນລະດູຮ້ອນນີ້. ເຊິ່ງພວກເຂົາພ້ອມທີ່ຈະຈ່າຍຄ່າຕົວ 90 ລ້ານປອນ, ຂະນະທີ່ທາງ ເວັສແຮມ ຢູໄນເຕັດ ຕ້ອງການເພີ່ມເງື່ອນໄຂທີ່ຈະເຮັດໃຫ້ຄ່າຕົວເພີ່ມຂຶ້ນເປັນ 100 ລ້ານປອນໃນອະນາຄົດ.
ເຖິງແມ່ນວ່າຂໍ້ສະເໜີດັ່ງກ່າວຍັງບໍ່ທັນຖືກຍື່ນຢ່າງເປັນທາງການ. ແຕ່ສື່ດັງອັງກິດໄດ້ເປີດເຜີຍວ່າ, ການເຈລະຈາລະຫວ່າງສອງຝ່າຍພວມດຳເນີນໄປດ້ວຍດີ. ແລະ ອາດຈະມີການເຊັນສັນຍາໃນໄວໆນີ້.
ຈາກສະຖານະການດັ່ງກ່າວ ເຮັດໃຫ້ ທີມປືນໃຫຍ່ ແຊງໜ້າຍັກໃຫຍ່ຂອງ ບຸນເດສລີກາ ບາເຢິນ ມິວນິກ ທີ່ສົນໃຈຢາກໄດ້ນັກເຕະທີມຊາດອັງກິດຄົນນີ້ໄປຮ່ວມທີມເຊັ່ນກັນ.
